തിരുവനന്തപുരം: തിരുവനന്തപുരം മൃഗശാലയില് രാജവെമ്പാലയുടെ കടിയേറ്റ് മരിച്ച ജീവനക്കാരന് ഹര്ഷാദിന്റെ കുടുംബത്തിന് സഹായധനം അനുവദിച്ചു. ഇന്ന് ചേര്ന്ന മന്ത്രിസഭാ യോഗത്തിലാണ് ഇക്കാര്യം തീരുമാനമായത്. 20 ലക്ഷം രൂപ ഹര്ഷാദിന്റെ കുടുംബത്തിന് അനുവദിച്ചു.
ഇതില് 10 ലക്ഷം വീട് നിര്മാണം പൂര്ത്തിയാക്കാന് നല്കും. ആശ്രിതയ്ക്ക് സര്ക്കാര് ജോലി നല്കും.18 വയസ്സുവരെ കുട്ടികളുടെ വിദ്യാഭ്യാസ ചെലവ് സര്ക്കാര് വഹിക്കും. ഈ മാസം 21 മുതല് നിയമസഭാ സമ്മേളനം വിളിച്ച് ചേര്ക്കാന് ഗവര്ണ്ണറോട് ശുപാര്ശ ചെയ്യാന് മന്ത്രിസഭാ യോഗം തീരുമാനിച്ചു.
എല്ലാ റേഷന് കാര്ഡ് ഉടമകള്ക്കും ഓണത്തിന് സ്പെഷ്യല് കിറ്റ് നല്കുമെന്നും അറിയിച്ചു. റേഷന് വ്യാപാരികള്ക്ക് ഏഴര ലക്ഷം രൂപയുടെ ഇന്ഷൂറന്സ് പരിരരക്ഷ നല്കാനും മന്ത്രിസഭാ യോഗത്തില് തീരുമാനിച്ചു. ജുലൈ മാസത്തെയും ഓഗസ്റ്റിലെയും കിറ്റുകള് ഒരുമിച്ച് ചേര്ത്തായിരിക്കും സ്പെഷ്യല് കിറ്റ്.
കോവിഡ് കാലത്ത് 40 ഓളം റേഷന് വ്യാപാരികള് മരിച്ചിട്ടുണ്ട്. സാധാരണക്കാരുമായി ഏറ്റവുമധികം ഇടപെടുന്ന ആളുകള് എന്നത് കണക്കിലെടുത്താന് ഇന്ഷുറന്സ് പരിരക്ഷ ഏര്പ്പെടുത്താന് തീരുമാനിച്ചത്. 84 ലക്ഷം സ്പെഷ്യല് കിറ്റാണ് വിതരണം ചെയ്യുക. റേഷന് വ്യാപാരികള്ക്ക് ഏഴരലക്ഷം രൂപയുടെ ഇന്ഷുറന്സ് പരിരക്ഷയും അനുവദിക്കും.