കൊല്ലം : ബാങ്ക് മാനേജരായ യുവതി ഭര്തൃഗൃഹത്തില് തൂങ്ങിമരിച്ച നിലയില്. ഉമയനല്ലൂര് പേരയം വൃന്ദാവനത്തില് വി.എസ്.ഗോപുവിന്റെ ഭാര്യ എസ്.എസ്.ശ്രീജയെയാണ് തൂങ്ങി മരിച്ച നിലയില് കണ്ടത്. മുപ്പത്തിരണ്ട് വയസ്സായിരുന്നു. കൊല്ലം ആനന്ദവല്ലീശ്വരം എസ്.ബി.ഐ.യില് ഡെപ്യൂട്ടി മാനേജരായിരുന്നു.
ഞായറാഴ്ചയായിരുന്നു സംഭവം. മരണ സമയത്ത് ഗോപുവിന്റെ പ്രായംചെന്ന അച്ഛന് മാത്രമായിരുന്നു വീട്ടിലുണ്ടായിരുന്നത്. അടുത്ത ദിവസങ്ങളിലായി കേരളത്തില് സമാന സംഭവങ്ങള് വാര്ത്തയായതോടെയാണ് ശ്രീജയുടെ മരണവും ചര്ച്ചയായത്.
ഭര്ത്താവ് ഗോപു ഏഴുമണിയോടെ പാല് വാങ്ങാന് പുറത്തു പോയ സമയത്താണ് ശ്രീജ ആത്മഹത്യ ചെയ്തതെന്നാണ് പൊലീസിന് നല്കിയ മൊഴി. അടുക്കളയോടു ചേര്ന്നുള്ള വര്ക്ക് ഏരിയയിലായിരുന്നു തൂങ്ങിനില്ക്കുന്നത് കണ്ടത്. ഉടന് തന്നെ കൊട്ടിയത്തെ സ്വകാര്യ ആശുപത്രിയില് എത്തിച്ചിരുന്നു.
എന്നാല് അപ്പോഴേക്കും മരണം സംഭവിച്ചു. തിരുവനന്തപുരം മെഡിക്കല് കോളേജ് ആശുപത്രിയില് നടത്തിയ സ്രവപരിശോധനയില് കോവിഡ് സ്ഥിരീകരിച്ചിരുന്നു. ചൊവ്വാഴ്ച തിരുവനന്തപുരം മെഡിക്കല് കോളേജ് ആശുപത്രിയില് പോസ്റ്റ്മോര്ട്ടം നടത്തി. കൊട്ടിയം പൊലീസ് കേസെടുത്തിട്ടുണ്ട്.