സോഷ്യല്മീഡിയയില് പോസ്റ്റിട്ട് മൂന്നാംനാള് യുവതി മരിച്ച നിലയില്. പേര് റൂബി, നാട് എറണാകുളം, താമസം സ്വന്തം തലസ്ഥാനത്ത്. ജോലി ഡബ്ബിങ് ആര്ട്ടിസ്റ്റ്, വയസ്സ് 31, വിശദമായി വഴിയേ പരിചയപ്പെടാം,- ഫേസ്ബുക്കില് വേള്ഡ് മലയാളി സര്ക്കിളില് മൂന്ന് ദിവസം മുന്പ് ഇങ്ങനെ പോസ്റ്റിട്ട യുവതിയെയാണ് തൂങ്ങിമരിച്ച നിലയില് കണ്ടെത്തിയത്.
കഴിഞ്ഞ ദിവസമാണ് റൂബി എന്ന യുവതിയെയും ഭര്ത്താവ് സുനിലിനെയും ആത്മഹത്യ ചെയ്ത നിലയില് കണ്ടെത്തിയത്. തിരുവനന്തപുരം ശ്രീകാര്യം പാങ്ങപ്പാറയിലാണ് ദമ്പതികളെ മരിച്ച നിലയില് കണ്ടെത്തിയത്. വാടക വീട്ടിലാണ് തൂങ്ങിമരിച്ച നിലയില് കണ്ടത്.
ഇന്നലെ രാത്രി 7 മണിയോടെ സുനില് സുഹൃത്തിനെ വിളിച്ച് റൂബി തൂങ്ങിമരിച്ചെന്നും താന് ഉടന് മരിക്കുമെന്നും അറിയിക്കുകയുണ്ടായി. സുഹൃത്ത് ശ്രീകാര്യം പൊലീസിന്റെ സഹായത്തോടെ ഇരുവരെയും തിരുവനന്തപുരം മെഡിക്കല് കോളജ് ആശുപത്രിയില് എത്തിച്ചെങ്കിലും അപ്പോഴേക്കും മരണം സംഭവിച്ചിരുന്നു.
ഫെബ്രുവരിയിലാണ് ഇരുവരും ശ്രീകാര്യത്ത് വീട് വാടകയ്ക്ക് എടുത്തത്. സംഭവത്തില് എന്തെങ്കിലും ദുരൂഹതയുണ്ടോയെന്ന് അന്വേഷിക്കുമെന്ന് ശ്രീകാര്യം പൊലീസ് അറിയിച്ചു.