തിരുവനന്തപുരം: ഗര്ഭിണികള്ക്കും മുലയൂട്ടുന്ന അമ്മമാര്ക്കും കൊവിഡ് വാക്സിന് നല്കുന്നത് സംബന്ധിച്ച് അനുമതി ചോദിച്ച് ഐസിഎംആറുമായി ബന്ധപ്പെടുമെന്ന് മുഖ്യമന്ത്രി പിണറായി വിജയന് പറഞ്ഞു. വാര്ത്ത സമ്മേളനത്തില് സംസാരിക്കവേയാണ് മുഖ്യമന്ത്രി ഇക്കാര്യം പറഞ്ഞത്.
ഗര്ഭിണികള്ക്കും മുലയൂട്ടുന്ന അമ്മമാര്ക്കും നിലവില് കോവിഡ് വാക്സിന് നല്കുന്നില്ല. അവരില് വാക്സിന് പരീക്ഷണം പൂര്ത്തിയാകാത്തതിനാല് നല്കേണ്ട എന്നായിരുന്നു നിര്ദേശം. ഇതേതുടര്ന്നാണ് ഇതുവരെ നല്കാതിരുന്നത്. എന്നാല് ഇപ്പോള് പരീക്ഷണം പൂര്ത്തിയായിട്ടുണ്ട്.
ഇവര്ക്ക് വാക്സിന് നല്കുന്നതില് കുഴപ്പമില്ല എന്നാണ് വിദഗ്ദ്ധര് അഭിപ്രായപ്പെടുന്നത്. ഇന്ത്യയില് നാഷണല് ടെക്നിക്കല് അഡൈ്വസറി ഗ്രൂപ്പും നീതി ആയോഗും കേന്ദ്ര സര്ക്കാരിന് ഇത് സംബന്ധിച്ച് ശുപാര്ശ നല്കിയിട്ടുണ്ട്. ഈ സാഹചര്യത്തില് ഇവര്ക്ക് വാക്സിന് നല്കാന് അനുമതി ചോദിച്ച് ഐസിഎംആറുമായി ബന്ധപ്പെടുമെന്ന് മുഖ്യമന്ത്രി കൂട്ടിച്ചേര്ത്തു.
കോവിഡ് കാരണം ഗര്ഭകാല പരിശോധന കൃത്യമായി നടക്കാത്ത സ്ഥിതിയുണ്ട്. രക്തത്തിലെ ഗ്ലൂക്കോസ്, രക്തസമ്മര്ദ്ദം എന്നിവ വാര്ഡ് സമിതിയിലെ ആശാവര്ക്കര്മാരെ ഉപയോഗിച്ച് പരിശോധിക്കുമെന്നും മുഖ്യമന്ത്രി കൂട്ടിച്ചേര്ത്തു.