തൃശ്ശൂര്: സംസ്ഥാനത്താകമാനം കൊവിഡ് വ്യാപനം രൂക്ഷമായിക്കൊണ്ടിരിക്കുകയാണ്. കഴിഞ്ഞ ദിവസം 18000ത്തില് അധികമാണ് കൊവിഡ് കേസുകള്. കൊവിഡ് രണ്ടാം തരംഗം രൂക്ഷമാവുന്നതിനിടെ തൃശ്ശൂര് പൂരം നടത്താതിരിക്കാന് തൃശ്ശൂര്കാര് തീരുമാനിക്കണമെന്ന അപേക്ഷയുമായി രംഗത്തെത്തിയിരിക്കുകയാണ് സാമൂഹ്യസുരക്ഷാ മിഷന് ഡയരക്ടറായ ഡോ. മുഹമ്മദ് അഷീല്.
ലോകത്തിനു മുന്നില് ശാസ്ത്രബോധത്തിന്റെയും മനുഷ്യസ്നേഹത്തിന്റെയും ത്യാഗത്തിന്റെയും ഒരു മാതൃക കാണിക്കാന് തൃശ്ശൂര്ക്കാര്ക്ക് ലഭിച്ച അവസരമാണെന്നും ‘ഇപ്രാവശ്യം പൂരം വേണ്ട.. കഴിഞ്ഞ വര്ഷം പോലെ അനുഷ്ടാനങ്ങള് മാത്രം മതി ‘എന്ന് തൃശ്ശൂര്ക്കാര് തീരുമാനിച്ചാല് അത് ചരിത്രമാകുമെന്നും ഡോക്ടര് അഷീല് പറഞ്ഞു.
ഈ തീരുമാനത്തിലൂടെ ഒരുപക്ഷേ അനേകം പേരുടെ ജീവന് രക്ഷിക്കാന് സാധിക്കുമെന്നും ഈ കൊവിഡ് സുനാമി തീരുന്നത് വരെ ഇത്തരം തീരുമാനം എടുക്കാന് അനേകം പേര്ക്ക് പ്രചോദനമാകുമെന്നും ഡോക്ടര് അഷീല് ഫേസ്ബുക്കില് കുറിച്ചു.
ഡോക്ടര് അഷീലിന്റെ ഫേസ്ബുക്ക് പോസ്റ്റിന്റെ പൂര്ണരൂപം,
തൃശ്ശൂര്ക്കാരെ… ഈ ലോകത്തിനു മുന്നില് ശാസ്ത്രബോധത്തിന്റെയും മനുഷ്യസ്നേഹത്തിന്റെയും ത്യാഗത്തിന്റെയും ഒരു മാതൃക കാണിക്കാന് നിങ്ങള്ക്ക് കിട്ടിയ അവസരമാണ്. ?? ‘ഇപ്പ്രാവശ്യം പൂരം വേണ്ട.. കഴിഞ്ഞ വര്ഷം പോലെ അനുഷ്ടാനങ്ങള് മാത്രം മതി ‘എന്ന് നിങ്ങള് തീരുമാനിച്ചാല് അത് ചരിത്രമാകും..
ഒരുപക്ഷെ അനേകം പേരുടെ ജീവന് രക്ഷിക്കാന് സാധിക്കും.. ഇനിയും ഈ covid സുനാമി തീരും വരെ ഇത്തരം തീരുമാനങ്ങള് എടുക്കാന് അനേകം പേര്ക്ക് പ്രചോദനമാവും. So please… മനുഷ്യ ജീവനുകളെക്കാള് വലുതല്ല ഒന്നും എന്ന് നമ്മള് ഇനിയും പഠിച്ചില്ലേ
NB: ഇത് പറയണോ എന്ന് ആയിരം വട്ടം ആലോചിച്ചതാണ്.. ഒരു വേള എന്റെ പേര് പോലും അതിനു തടസ്സമാണ് എന്നും അറിയാം… but പറയാതിരുന്നാല് അത് ഒരു പക്ഷെ പിന്നീട് വല്ലാത്ത കുറ്റബോധം ഉണ്ടാക്കിയേക്കാം.. അതുകൊണ്ടാണ്
One more thing…എല്ലാ കൂടിച്ചേരലുകളും ഇന്നത്തെ അവസ്ഥയില് ആത്മഹത്യപരമാണ്.. അത് എന്തിന്റെ പേരിലായാലും… may 2 നു ആഹ്ലാദ പ്രകടനങ്ങള് ആരെങ്കിലും പ്ലാന് ചെയ്യുന്നുണ്ടെങ്കില് അതും ഒഴിവാക്കുക… പ്ലീസ് ?