കൊച്ചി: സംസ്ഥാനത്ത് കോവിഡ് വ്യാപനം രൂക്ഷമായിക്കൊണ്ടിരിക്കുന്ന സാഹചര്യം കണക്കിലെടുത്ത് എല്ലാ സര്വ്വകലാശാലകളും പരീക്ഷകള് മാറ്റിവച്ചു. കേരള, കാലിക്കറ്റ്, എംജി, കണ്ണൂര് യൂണിവേഴ്സിറ്റി, സാങ്കേതിക, മലയാളം, ആരോഗ്യസര്വ്വകലാശാലകളാണ് പരീക്ഷകള് മാറ്റിവച്ചത്.
ഗവര്ണറുടെ നിര്ദ്ദേശത്തെ തുടര്ന്നാണ് നാളെ മുതല് നടക്കാനിരുന്ന പരീക്ഷകള് മാറ്റിവച്ചത്. പുതുക്കിയ തീയതി പിന്നീട് അറിയിക്കും. പരീക്ഷകള് മാറ്റണമെന്ന് സര്വ്വകലാശാല വൈസ് ചാന്സിലര്മാര്ക്ക് ഗവര്ണര് ആരിഫ് മുഹമ്മദ് ഖാന് നിര്ദേശം നല്കിയിരുന്നു.
നേരിട്ടുള്ള എല്ലാ പരീക്ഷകളും മാറ്റാനാണ് നിര്ദേശം. ഇതിന് പിന്നാലെയാണ് രണ്ട് പ്രധാന സര്വ്വകാലാശാലകള് പരീക്ഷകള് മാറ്റിവച്ചതായി അറിയിച്ചിരിക്കുന്നത്. ജെഇഇ മെയിന് പരീക്ഷയും മാറ്റിയിട്ടുണ്ട്. 27,28,30 തീയതികളില് നടത്താനിരുന്ന പരീക്ഷയാണ് മാറ്റിവച്ചത്.
പുതുക്കിയ തീയതി പിന്നീട് അറിയിക്കും. പരീക്ഷയ്ക്ക് 15 ദിവസം മുന്പ് തീയതി അറിയിക്കുമെന്ന് നാഷണല് ടെസ്റ്റിങ് ഏജന്സി അറിയിച്ചു.