തിരുവനന്തപുരം: സംസ്ഥാനത്ത് കോവിഡ് വ്യാപനം രൂക്ഷമായിരിക്കുകയാണ്. രോഗവ്യാപനം തടയുക ലക്ഷ്യമിട്ട് സംസ്ഥാനത്ത് ഇന്നും നാളെയും കൂട്ടപ്പരിശോധന നടത്തും. വെള്ളി, ശനി ദിവസങ്ങളിലായി രണ്ടര ലക്ഷം പേര്ക്ക് പരിശോധന നടത്താനാണ് തീരുമാനം.
രോഗവ്യാപനം കൂടുതലായ എറണാകുളം, കോഴിക്കോട് ജില്ലകളിലാണ് കൂടുതല് പരിശോധന. 45 വയസില് താഴെയുളളവര്ക്കും ജനങ്ങളുമായി കൂടുതല് ഇടപഴകുന്നവര്ക്കും മുന്ഗണനനല്കും. തെരഞ്ഞെടുപ്പു പ്രക്രിയയില് സജീവമായവര്, കോവിഡ് മുന്നണിപ്രവര്ത്തകര് എന്നിവര്ക്കും പരിശോധന നടത്തും.
കോവിഡ് വ്യാപന പ്രദേശങ്ങളിലുള്ളവര്, ആളുകളുമായി സമ്പര്ക്കം പുലര്ത്തുന്ന പൊതുഗതാഗത മേഖല, ഹോസ്പിറ്റാലിറ്റി, ടൂറിസം, ഷോപ്പുകള്, ഹോട്ടലുകള്, മാര്ക്കറ്റുകള്, സേവനകേന്ദ്രങ്ങള് എന്നിവിടങ്ങളില് ജോലി ചെയ്യുന്നവര്, ഡെലിവറി എക്സിക്യുട്ടീവുകള് എന്നിവരെ കണ്ടെത്തി പരിശോധിക്കും.
ഉയര്ന്ന തോതില് വ്യാപനം നടക്കുന്ന പ്രദേശങ്ങളിലും മാര്ക്കറ്റുകളിലും മൊബൈല് ആര്ടിപിസിആര് പരിശോധനാ യൂണിറ്റുകള് ഉപയോഗപ്പെടുത്തും. ആന്റിജന് പരിശോധനയില് നെഗറ്റീവ് ആണെങ്കിലും രോഗലക്ഷണമുള്ളവരുടെ സാമ്പിളുകള് ആര്ടിപിസിആര് പരിശോധന നടത്തും.