വയനാട്: വയനാട്ടില് വോട്ടര് കുഴഞ്ഞുവീണ് മരിച്ചു. തൃശിലേരി വരിനിലം കോളനിയില് കാളന്റെ ഭാര്യ ദേവി (ജോച്ചി) ആണ് മരിച്ചത്. 54 വയസായിരുന്നു. തൃശിലേരി ജിഎച്ച്എസ്എസില് വോട്ട് ചെയ്ത ശേഷം പുറത്തിറങ്ങിയ ദേവി കുഴഞ്ഞുവീഴുകയായിരുന്നു. ഉടന് തന്നെ ജില്ലാ ആശുപത്രിയിലേക്ക് കൊണ്ടുപോയെങ്കിലും ജീവന് രക്ഷിക്കാന് സാധിച്ചില്ല. മക്കള്: ബിന്ദു, സിന്ധു
ഇന്ന് കോട്ടയം, എറണാകുളം, തൃശ്ശൂര്, പാലക്കാട്, വയനാട് എന്നീ ജില്ലകളിലാണ് വോട്ടെടുപ്പ് നടക്കുന്നത്
മിക്ക പോളിംഗ് ബൂത്തുകളിലും വോട്ടര്മാരുടെ നീണ്ട നിര തന്നെയുണ്ട്.
അഞ്ച് ജില്ലകളിലെ 451 തദ്ദേശ സ്ഥാപനങ്ങളിലെ 8116 വാര്ഡുകളിലാണ് രണ്ടാം ഘട്ടത്തില് തെരഞ്ഞെടുപ്പ് നടക്കുന്നത്. ആകെ 98,56,943 വോട്ടര്മാരാണ് ഉള്ളത്. 350 ഗ്രാമപഞ്ചായത്തുകളിലും 58 ബ്ലോക്ക് പഞ്ചായത്തുകളിലും 2 കോര്പറേഷനുകളിലും 36 മുനിസിപ്പാലിറ്റികളിലും അഞ്ച് ജില്ലാ പഞ്ചായത്തുകളിലുമാണ് ഇന്ന് വോട്ടെടുപ്പ്.