കണ്ണൂര്: ഇരിട്ടിയില് ജീപ്പ് പുഴയിലേക്ക് മറിഞ്ഞ് ഒരാളെ കാണാതായി. മണിക്കടവ് സ്വദേശി ലിധീഷിനെയാണ് കാണാതായത്. നാല് പേരായിരുന്നു ജീപ്പിലുണ്ടായിരുന്നത്. മൂന്ന് പേരെ രക്ഷപ്പെടുത്താനായെന്ന് നാട്ടുകാര് പറഞ്ഞു. ഇന്ന് ഉച്ചയോടെയാണ് സംഭവം.
മാട്ടറയില് നിന്ന് മണികടവിലേക്ക് ചപ്പാത്ത് വഴി കടന്നുപോവുകയായിരുന്ന ജീപ്പാണ് അപകടത്തില്പ്പെട്ടത്. ചപ്പാത്ത് പാലത്തിന് മുകളില് നിന്ന് ജീപ്പ് പുഴയിലേക്ക് മറിയുകയായിരുന്നു.
അതേസമയം, കാണാതായ ആള്ക്കുവേണ്ടി ഫയര്ഫോഴ്സും നാട്ടുകാരും ചേര്ന്ന് തെരച്ചില് നടത്തുകയാണ്.