വയനാട്: രാഹുല് ഗാന്ധിയുടെ വയനാട് സ്ഥാനാര്ത്ഥിത്വത്തിന് എതിരെ മാവോയിസ്റ്റുകളുടെ കത്ത്. വയനാട് പ്രസ് ക്ലബ്ബിലാണ് കത്ത് ലഭിച്ചത്. രാഹുല്ഗാന്ധി സ്ഥാനാര്ത്ഥി ആകുന്നതോടെ വയനാട് രക്ഷപ്പെടുമെന്ന കോണ്ഗ്രസ് പ്രചരണം ജനങ്ങളോടുള്ള വെല്ലുവിളിയാണെന്നാണ് കത്തില് പറയുന്നത്. നാടുകാണി ദളം ഏരിയ കമ്മറ്റി വക്താവ് അജിതയുടെ പേരിലാണ് കത്ത്.
രാജ്യത്തെ നശിപ്പിക്കുന്ന നിലപാടുകളാണ് രാഹുലും നരേന്ദ്രമോഡിയും സീതാറാം യെച്ചൂരിയും എടുക്കുന്നത്. രാജ്യത്തെ കര്ഷക ആത്മഹത്യകള്ക്ക് പരിഹാരം ഉണ്ടാക്കാത്ത മൂന്ന് മുന്നണികളും കര്ഷകരെ വഞ്ചിക്കുകയാണ്. പണിയായുധങ്ങള് സമരായുധങ്ങളാക്കാന് കര്ഷകര് തയ്യാറാകണമെന്നും കത്തില് ആഹ്വാനം ചെയ്തു.
ലോക്സഭാ തെരഞ്ഞെടുപ്പ് ബഹിഷ്കരിക്കണമെന്ന് ആവശ്യപ്പെട്ട് വയനാട്ടില് നേരത്തെ മാവോയിസ്റ്റുകളുടെ പോസ്റ്ററുകള് പ്രത്യക്ഷപ്പെട്ടിരുന്നു. എന്നാല് വോട്ട് ബഹിഷ്കരിക്കണമെന്ന ആഹ്വാനം ഇത്തവണത്തെ കത്തിലില്ല. സംഭവത്തെക്കുറിച്ച് പോലീസ് അന്വേഷണം തുടങ്ങി.