തിരുവനന്തപുരം: മണ്വിള ഫാമിലി പ്ലാസ്റ്റിക് ഗോഡൗണിലുണ്ടായ തീപിടുത്തത്തില് പ്രദേശത്തെ വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു. തീപിടുത്തം ഉണ്ടായതിന്റെ രണ്ട് കിലോമീറ്റര് ചുറ്റളവിലെ സ്കൂളുകള്ക്കാണ് കളക്ടര് പി വാസുകി അവധി പ്രഖ്യാപിച്ചിരിക്കുന്നത്.
അതേസമയം, ബുധനാഴ്ച്ച വൈകിട്ട് ഏഴേ കാലോടെ ആരംഭിച്ച അഗ്നിബാധ വ്യാഴാഴ്ച്ച പുലര്ച്ചെയും അണയാതെ തുടരുകയാണ്. ഫാക്ടറിക്കുള്ളില് ഗ്യാസ് സിലിന്ഡറുകളും വന്തോതിലുള്ള പ്ലാസ്റ്റിക് ശേഖരവുമുള്ളതിനാല് കെട്ടിട്ടത്തിലേക്ക് പ്രവേശിച്ച് തീ അണയ്ക്കാന് സാധിക്കാത്ത അവസ്ഥയാണുള്ളത്.
മണിക്കൂറുകളോളം കത്തിയ കെട്ടിട്ടത്തിന്റെ പലഭാഗങ്ങളും ഇതിനോടകം തകര്ന്നു വീണിട്ടുണ്ട്. ഒന്നാം നിലയുടെ എല്ലാ ഭാഗവും ഏതാണ്ട് കത്തി കരിഞ്ഞ് ഇടിഞ്ഞു വീണു കൊണ്ടിരിക്കുകയാണ്. ഫാമിലി പ്ലാസ്റ്റികിന്റെ മൂന്ന് കെട്ടിട്ടങ്ങളില് ഒന്നിലാണ് തീപിടുത്തമുണ്ടായത്.
സമീപവാസികളെ തീപിടുത്തം ഉണ്ടായതിന് പിന്നാലെ തന്നെ ഒഴിപ്പിച്ചിരുന്നു. തീപിടുത്തത്തെ തുടര്ന്ന് വിഷപുക വരാന് തുടങ്ങിയത് രക്ഷാപ്രവര്ത്തകരേയും പ്രതികൂലമായി ബാധിച്ചു. വിഷപുക ശ്വസിച്ച് രണ്ട് പേര് ആശുപത്രിയിലാണ്.