ബാലഭാസ്കറിന്റെ മരണം വിശ്വസിക്കാനാകുന്നില്ലെന്ന് നടി മഞ്ജു വാര്യര്. ആ വയലിന് തന്ത്രികള് നിലച്ചു എന്ന് വിശ്വസിക്കുന്നില്ല. ഒരിക്കലും ഈ യാത്ര പറച്ചില് മനസ്സ് സമ്മതിച്ചു തരില്ലെന്ന് മഞ്ജു ഫേസ്ബുക്കില് കുറിച്ചു.
മഞ്ജുവിന്റെ ഫേസ്ബുക്ക് പോസ്റ്റിന്റെ പൂര്ണ്ണരൂപം
ആ വയലിന് തന്ത്രികള് നിലച്ചു എന്ന് വിശ്വസിക്കുന്നില്ല. ഒരിക്കലും ഈ യാത്ര പറച്ചില് മനസ്സ് സമ്മതിച്ചു തരില്ല. ആരാധനയില് നിന്നും അടുത്ത സൗഹൃദമായി മാറിയ ബന്ധം. കുറച്ചു നാളുകള് മുമ്പ് ഉണ്ടായ ഓസ്ട്രേലിയന് യാത്രയില് അദ്ഭുതം കേള്പ്പിക്കുന്ന വയലിനുമായി ബാലു ഞങ്ങള്ക്കൊപ്പമുണ്ടായിരുന്നു. ലക്ഷ്മിയുടെയും ജാനിമോളുടെയും വിശേഷങ്ങള് വാതോരാതെ പങ്കുവച്ചുകൊണ്ട്… ഇല്ല ! ബാലു വേറെങ്ങും പോയിട്ടില്ല. ഒരിക്കലും പോകുകയുമില്ല.