തിരുവനന്തപുരം: കെഎസ്ആര്ടിസി പണിമുടക്കിന്റെ പശ്ചാത്തലത്തില് ഗതാഗതമന്ത്രിയുടെയും എംഡിയുടെയും നേതൃത്വത്തില് തൊഴിലാളി സംഘടന നേതാക്കളുമായി നാളെ ചര്ച്ച നടക്കും.
മാനേജ്മെന്റിന്റെ തൊഴിലാളി വിരുദ്ധനയങ്ങളില് പ്രതിഷേധിച്ച് സംയുക്ത സമരസമിതിയാണ് പണിമുടക്കിന് ആഹ്വാനം ചെയ്തത്. ഒക്ടോബര് രണ്ട് അര്ധരാത്രി മുതലാണ് പണിമുടക്കിന് ആഹ്വാനം. ഹൈക്കോടതി സ്റ്റേ ചെയ്തിട്ടും സമരവുമായി മുന്നോട്ട് പോകുന്ന സാഹചര്യത്തിലാണ് ചര്ച്ച.
പ്രളയശേഷം പുനരുദ്ധാരണ പ്രവര്ത്തനം നടക്കുന്ന വേളയില് പണിമുടക്ക് അനുവദിക്കാനാവില്ലെന്നു കോടതി നിരീക്ഷിച്ചിരുന്നു. മാത്രമല്ല, ഒത്തുതീര്പ്പു ശ്രമങ്ങള് തുടങ്ങിയെന്നു കരുതാവുന്ന സാഹചര്യമാണെന്നും കോടതി പറഞ്ഞിരുന്നു. കെഎസ്ആര്ടിസി സര്വീസ് നിശ്ചലമാകുന്നതു പൊതുജനങ്ങളെ ബാധിക്കുമെന്നു കാണിച്ച് പാലായിലെ സെന്റര് ഫോര് കണ്സ്യൂമര് എജ്യുക്കേഷന് സമര്പ്പിച്ച ഹര്ജിയാണു ചീഫ് ജസ്റ്റിസുള്പ്പെട്ട ഡിവിഷന് ബെഞ്ച് കഴിഞ്ഞ ദിവസം പരിഗണിച്ചത്.