ഹെലികോപ്റ്റര് അപകടത്തില് ഇന്ത്യന് സംയുക്ത സൈനിക മേധാവി ജനറല് ബിപിന് റാവത്ത് കൊല്ലപ്പെട്ടു. തമിഴ്നാട് കൂനൂരിലാണ് അപകടം. ബിപിന് റാവത്ത്, ഭാര്യ മധുലിക റാവത്ത് അടക്കം 13 മരിച്ചതായി വ്യോമയാന മന്ത്രാലയം ഔദ്യോഗികമായി അറിയിച്ചു.
ഗ്രൂപ്പ് ക്യാപ്റ്റര് വരുണ് സിംഗ് രക്ഷപ്പെട്ടതായി സേന അറിയിച്ചു. മരിച്ചവരുടെ മൃതശരീരം തിരിച്ചറിയാന് ഡിഎന്എ പരിശോധന നടത്തും. കൂനൂരില് നിന്ന് അഞ്ച് കിലോമീറ്റര് ദൂരെയുള്ള കട്ടേരി പാര്ക്കില് ഉച്ചയ്ക്ക് 12.30നായിരുന്നു അപകടം നടന്നത്.
Also Read:കേരളത്തില് ഇന്ന് 5038 പേര്ക്ക് കോവിഡ്, 35 മരണം
ബിപിന് റാവത്ത്, ഭാര്യ മധുലിക റാവത്ത് എന്നിവര്ക്ക് പുറമെ ബ്രിഗേഡിയര് എല്.എസ് ലിഡര്, ലെഫ്.കേണല് ഹര്ജീന്ദര് സിംഗ്, എന്.കെ ഗുര്സേവക് സിംഗ്, എന്.കെ ജിതേന്ദ്രകുമാര്, ലാന്സ് നായിക് വിവേക് കുമാര്, ലാന്സ് നായിക് ബി സായ് തേജ, ഹവീല്ദാര് സത്പാല് എന്നിവരാണ് ഹെലികോപ്ടറിലെ യാത്രക്കാരുടെ പട്ടികയിലുണ്ടായിരുന്നത്.
കോയമ്പത്തൂരിലെ സുലൂര് വ്യോമസേനത്താവളത്തില് നിന്ന് വെല്ലിങ്ടണ് കന്റോണ്മെന്റിലേക്കുള്ള യാത്രാമധ്യേയാണ് അപകടം സംഭവിച്ചത്. വ്യോമസേനയുടെ എംഐ 17 വി 5 ഹെലികോപ്ടറാണ് അപകടത്തില്പ്പെട്ടത്.