ഝാന്സി: ഉത്തര്പ്രദേശില് ട്രാക്ടര് മറിഞ്ഞുണ്ടായ അപകടത്തില് 11 പേര് മരിച്ചു. മരിച്ചവരില് നാല് കുട്ടികളും ഉള്പ്പെടുന്നു. അപകടത്തില് ആറ് പേര്ക്ക് പരിക്കേറ്റു. ഝാന്സിയിലെ ചിര്ഗാവില് വെള്ളിയാഴ്ചയാണ് സംഭവം നടന്നത്. യാത്രയ്ക്ക് ഉപയോഗിക്കുന്ന ട്രാക്ടര് ട്രോളിയാണ് അപകടത്തില്പ്പെട്ടത്.
പാതയ്ക്ക് കുറുകെ കടന്ന ഒരു കന്നുകാലിയുമായുള്ള കൂട്ടിയിടി ഒഴിവാക്കാന് ഡ്രൈവര് പെട്ടെന്ന് ബ്രേക്ക് ചെയ്തതോടെയാണ് വാഹനം തലകീഴായി മറിഞ്ഞത്. നാല് കുട്ടികളും ഏഴ് സ്ത്രീകളുമാണ് മരിച്ചത്. അപകടത്തില്പ്പെട്ട വാഹനത്തില് 30 പേര് ഉണ്ടായിരുന്നു.
മധ്യപ്രദേശിലെ പണ്ഡോഖറില് നിന്ന് ഇറാച്ചിലേക്ക് പോകുകയായിരുന്ന കുടുംബാംഗങ്ങളാണ് പകടത്തില്പ്പെട്ടത്. പരിക്കേറ്റവരെ ആശുപത്രിയില് പ്രവേശിപ്പിച്ചിരിക്കുകയാണ്.