ചെന്നൈ: തന്റെ കാമുകി എല്ലാ ദിവസവും തന്നോടു സംസാരിക്കാന് വേണ്ട ഇടപെടലുകള് നടത്തണമെന്ന് ആവശ്യത്തിന് ദൈവത്തിന് കത്തെഴുതി ഭക്തന്. മധുര അവന്യപുരത്തെ കല്യാണ സുന്ദരേശ്വര ക്ഷേത്രത്തിലാണു വെങ്കിടേഷ് എന്ന ഭക്തന് കത്തെഴുതി ഇട്ടത്.
എല്ലാ ദിവസവും വെങ്കിടേഷ് തന്റെ വിലാസം പരാമര്ശിക്കാതെ ക്ഷേത്രത്തിലേക്ക് കത്തെഴുതിയിരുന്നു. എന്നാല്, കഴിഞ്ഞ ദിവസം എത്തിയ കത്തിലെ ആവശ്യം വായിച്ചവരാണ് ഇതു സമൂഹ മാധ്യമങ്ങളിലൂടെ പ്രചരിപ്പിച്ചത്. എനിക്ക് ആവശ്യമായ വരുമാനം നേടിത്തരണം എന്ന് ഒരു ഭാഗത്ത് എഴുതിയ വെങ്കിടേഷ് പോസ്റ്റ് കാര്ഡിന്റെ മറുവശത്താണ് ഒരു യുവതിയുടെ വിശദാംശങ്ങള് സഹിതം വിചിത്രമായ ആവശ്യം ഉന്നയിച്ചത്.
ഇതോടെ വെങ്കിടേഷിനെ കണ്ടെത്തി ‘ആഗ്രഹം’ സാധിപ്പിച്ചു കൊടുക്കാനുള്ള ശ്രമത്തിലാണു ക്ഷേത്രം അധികൃതരും യുവതിയുടെ ബന്ധുക്കളും. ആഗ്രഹം വൈകാതെ തന്നെ നിറവേറ്റാന് കഴിയുമെന്ന പ്രതീക്ഷയിലാണ് ഇവര്.