മുംബൈ: കൊവിഡ് വ്യാപനം രൂക്ഷമാകുന്നതിനിടയില് മഹാരാഷ്ട്രയെ ഭയത്തിലാഴ്ത്തി ബ്ലാക്ക് ഫംഗസ് അഥവാ മ്യൂക്കോര്മൈക്കോസിസ് രോഗം. ബ്ലാക്ക് ഫംഗസ് രോഗം ബാധിച്ച് 52 പേര് മരിച്ചതായി മഹാരാഷ്ട്ര സര്ക്കാര് അറിയിച്ചു. മരിച്ചവര് എല്ലാവരും കോവിഡ് രോഗമുക്തി നേടിയവരാണെന്നും മഹാരാഷ്ട്ര ആരോഗ്യവകുപ്പ് അറിയിച്ചു.
തലവേദന, പനി, കണ്ണുകളില് വേദന തുടങ്ങിയവാണ് രോഗലക്ഷണങ്ങള്. കഴിഞ്ഞദിവസം സംസ്ഥാനത്ത് 1500 പേര്ക്ക് ബ്ലാക്ക് ഫംഗസ് ബാധയേറ്റതായി ആരോഗ്യമന്ത്രി രാജേഷ് തോപ്പ് വ്യക്തമാക്കിയിരുന്നു.
പ്രമേഹരോഗികളിലാണ് ഇത് കൂടുതലായി കണ്ടുവരുന്നത്. കോവിഡാന്തരം രക്തത്തില് പഞ്ചസാരയുടെ അളവ് വര്ധിക്കുന്നവരെയാണ് ഇത് കാര്യമായി ബാധിച്ചത്.
കഴിഞ്ഞവര്ഷം മഹാമാരി ആരംഭിച്ചതിന് ശേഷം ഇതുവരെ 52 പേര് ബ്ലാക്ക് ഫംഗസ് ബാധിച്ച് മരിച്ചതായാണ് സര്ക്കാര് കണക്കുകള് വ്യക്തമാക്കുന്നത്. ആദ്യമായാണ് ബ്ലാക്ക് ഫംഗസ് ബാധിച്ച് മരിച്ചവരുടെ കണക്കുകള് സര്ക്കാര് പുറത്തുവിട്ടത്.എല്ലാവരും കോവിഡ് രോഗം ഭേദമായവരാണ്. കോവിഡ് അതിതീവ്ര വ്യാപനത്തിനിടെ ബ്ലാക്ക് ഫംഗസ് ബാധ പടരുന്നത് ആരോഗ്യമേഖലയില് ആശങ്ക പരത്തുന്നുണ്ട്.