ന്യൂഡല്ഹി: ഡല്ഹി കലാപക്കേസുമായി ബന്ധപ്പെട്ട് ഹൈക്കോടതിയെ രൂക്ഷമായി വിമര്ശിച്ച് സുപ്രീംകോടതി. കലാപത്തിന് ഇടയാക്കിയ ബിജെപി നേതാക്കളുടെ വിദ്വേഷ പ്രസംഗത്തിനെതിരെ കേസെടുക്കാന് എന്തിനാണ് ഇത്ര താമസമെന്ന് സുപ്രീം കോടതി ചോദിച്ചു.കലാപത്തിന് ഇരയായവര് സമര്പ്പിച്ച ഹര്ജി പരിഗണിച്ചാണ് സുപ്രീം കോടതിയുടെ ഇടപെടല്.
ഡല്ഹി കലാപവുമായി ബന്ധപ്പെട്ട എല്ലാ കേസുകളും വെള്ളിയാഴ്ച കേള്ക്കണം. വെള്ളിയാഴ്ച തന്നെ കേസുകള് പരിഗണിക്കാന് ഹൈക്കോടതി ചീഫ് ജസ്റ്റിസിനോട് സുപ്രീം കോടതി അഭ്യര്ത്ഥിക്കുകയും ചെയ്തു. അതെ സമയം കേസ് വെള്ളിയാഴ്ച തന്നെ കേള്ക്കണമെന്ന സുപ്രീംകോടതിയുടെ ആവശ്യത്തെ കേന്ദ്ര സര്ക്കാര് എതിര്ത്തു. കൂടുതല് സമയം വേണമെന്നാണ് സോളിസിറ്റര് ജനറല് തുഷാര് മേത്ത ആവശ്യപ്പെട്ടു. തിങ്കളാഴ്ച വരെ എങ്കിലും സമയം അനുവദിക്കണമെന്നായിരുന്നു കേന്ദ്ര സര്ക്കാര് വാദം.
എന്നാല് സോളിസിറ്റര് ജനറലിന്റെ ആവശ്യം തള്ളിയ ചീഫ് ജസ്റ്റിസ്, ഉത്തരവ് എഴുതുന്നതിനിടയില് ഇടപെടരുതെന്ന് സോളിസിറ്റര് ജനറല് തുഷാര് മേത്തയോട് പറഞ്ഞു. കലാപവുമായി ബന്ധപ്പെട്ട കേസുകള് നാലാഴ്ചത്തേക്കാണ് ഹൈക്കോടതി മാറ്റിയത്. ബിജെപി നേതാക്കളായ അനുരാഗ് താക്കൂര്, പര്വേഷ് വെര്മ, കപില് മിശ്ര എന്നിവര് വിദ്വേഷ പ്രസംഗം നടത്തിയെന്ന കേസ് ഏപ്രില് 13ലേക്കാണ് ഡല്ഹി ഹൈക്കോടതി മാറ്റിവച്ചിട്ടുള്ളത്.