കോയമ്പത്തൂര്: ബംഗളൂരുവില് നിന്ന് എറണാകുളത്തേക്ക് പോകുകയായിരുന്ന കെഎസ്ആര്ടിസി വോള്വോ ബസും കണ്ടെയ്നര് ലോറിയും കൂട്ടിയിടിച്ചുണ്ടായ അപകടത്തില് 16 പേര് മരിച്ചു. 23 പേര്ക്ക് പരിക്കേറ്റുവെന്നാണ് റിപ്പോര്ട്ട്. കോയമ്പത്തൂരിനടുത്ത് തിരുപ്പൂരിലേക്ക് പ്രവേശിക്കുന്ന അവിനാശിയില് വെച്ചാണ് അപകടം സംഭവിച്ചത്.
പുലര്ച്ചെ മൂന്നരയ്ക്കാണ് സംഭവം. ടയര് പൊട്ടിയ കണ്ടെയ്നര് ലോറി ബസിലേക്ക് ഇടിച്ചുകയറുകയായിരുന്നുവെന്നാണ് പ്രാഥമിക നിഗമനം. 10 പേര് സംഭവ സ്ഥലത്തുവെച്ചുതന്നെ മരിച്ചു. അഞ്ച് സ്ത്രീകളും 11 പുരുഷന്മാരുമാണ് മരിച്ചത്. ഗുരുതരമായി പരിക്കേറ്റവരെ നാട്ടുകാരും രക്ഷാപ്രവര്ത്തകരും ചേര്ന്ന് ഉടന് ആശുപത്രിയിലെത്തിച്ചു.
അപകടത്തില് കെഎസ്ആര്ടിസി ബസിലെ ഡ്രൈവറും കണ്ടക്ടറും മരിച്ചുവെന്നാണ് റിപ്പോര്ട്ട്. ടിഡി ഗിരീഷ്, ബൈജു എന്നിവരാണ് മരിച്ചതെന്നാണ് വിവരം. എറണാകുളം ഡിപ്പോയിലെ വാഹനമാണ് അപകടത്തില് പെട്ടത്. 48 പേരായിരുന്നു ബസിലുണ്ടായിരുന്നത്. ബസില് ഏറെയും മലയാളി യാത്രക്കാരായിരുന്നെന്നാണ്
സൂചന. എന്നാല് മരിച്ചവരില് മലയാളികളുണ്ടോ എന്ന് വ്യക്തമായിട്ടില്ല.