ന്യൂഡല്ഹി: ഉന്നാവോ പീഡനക്കേസിലെ പെണ്കുട്ടിയും കുടുംബവും സഞ്ചരിച്ച കാറില് ട്രക്കിടിച്ചുണ്ടായ അപകടത്തില് ബിജെപി നേതൃത്വത്തിനെതിരെ രൂക്ഷവിമര്ശനവുമായി കോണ്ഗ്രസ് നേതാവ് പ്രിയങ്ക ഗാന്ധി രംഗത്ത്.
പീഡനക്കേസില് ആരോപണ വിധേയനായ ബിജെപി എംഎല്എയെ പാര്ട്ടിയില് നിന്നും പുറത്താക്കണമെന്ന് പ്രിയങ്ക പ്രധാനമന്ത്രി നരേന്ദ്ര മോഡിയോട് ആവശ്യപ്പെട്ടു.
‘ മിസ്റ്റര് പ്രൈം മിനിസ്റ്റര്, ദൈവത്തെയോര്ത്ത് ആ ക്രിമിനലിനും അദ്ദേഹത്തിന്റെ സഹോദരനും താങ്കളുടെ പാര്ട്ടി നല്കിപ്പോന്ന രാഷ്ട്രീയപരമായ എല്ലാ അധികാരവും എടുത്തുകളയണം. ഇപ്പോഴും വൈകിയിട്ടില്ല ‘പ്രിയങ്ക ട്വിറ്ററില് കുറിച്ചത്.
ഇരകള് ജീവന് വേണ്ടി പൊരുതുമ്പോള് പ്രതിയായ ബിജെപി എംഎല്എ കുല്ദീപ് സിങ് സെന്ഗാറിനെപ്പോലുള്ള ഒരാള്ക്ക് എന്തിനാണ് രാഷ്ട്രീയ സംരക്ഷണം ഒരുക്കുന്നതെന്നും പ്രിയങ്ക ചോദിച്ചു.