ന്യൂഡല്ഹി: ഇന്ത്യന് വിമാനങ്ങള്ക്കുള്ള വിലക്ക് നീക്കി പാകിസ്താന്. ബാലാക്കോട്ട് ആക്രമണത്തിന് പിന്നാലെ പാകിസ്താന് വ്യോമമേഖല ഉപയോഗിക്കുന്നതിന് ഇന്ത്യന് വിമാനങ്ങള്ക്ക് വിലക്ക് ഏര്പ്പെടുത്തിയിരുന്നു. ഈ വിലക്കാണ് പാകിസ്താന് നീക്കിയത്. ഇന്ന് പുലര്ച്ചെ 12.41 ഓടെയാണ് പാകിസ്താന് വ്യോമമേഖല ഉപയോഗിക്കുന്നതിന് ഇന്ത്യന് വിമാനങ്ങള്ക്ക് അനുവാദം നല്കിയത്.
ഫെബ്രുവരി 26 ന് ബാലാക്കോട്ടിലെ ജയ്ഷെ മുഹമ്മദിന്റെ തീവ്രവാദ ക്യാമ്പ് ഇന്ത്യന് വ്യോമസേന തകര്ത്തതിന് പിന്നാലെ പാകിസ്താന് വ്യോമമേഖല പൂര്ണ്ണമായി അടയ്ക്കുകയായിരുന്നു.
ഇതിന് പിന്നാലെ 11 റൂട്ടുകളില് രണ്ടെണ്ണം പാകിസ്താന് തുറന്നിരുന്നു. പാകിസ്താന് വ്യോമമേഖല അടച്ചതോടെ ഇന്ത്യന് വ്യോമ ഗതാഗത മേഖലക്ക് 550 കോടി രൂപയുടെ നഷ്ടം ഉണ്ടായെന്ന് വ്യോമയാന മന്ത്രി രാജ്യസഭയില് വ്യക്തമായിരുന്നു. എയര് ഇന്ത്യക്ക് മാത്രം 491 കോടി രൂപയുടെ നഷ്ടം ഉണ്ടായി. ഇതിന് പിന്നാലെ ഗള്ഫ് രാജ്യങ്ങളിലേക്കും അമേരിക്കയിലേക്കും യൂറോപ്പിലേക്കുമുള്ള വിമാന സര്വ്വീസുകള് എയര് ഇന്ത്യ നിര്ത്തിവെച്ചിരുന്നു.