പനാജി: ഗോവയുടെ പുതിയ മുഖ്യമന്ത്രിയായി പ്രമോദ് സാവന്ത് സത്യപ്രതിജ്ഞ ചെയ്ത് അധികാരമേറ്റു. അര്ദ്ധരാത്രി വരെ നീണ്ട നാടകീയതകള്ക്ക് ഒടുവിലാണ് സാവന്തിന്റെ സത്യപ്രതിജ്ഞ.
നിലവില് ഗോവയിലെ നിമയസഭാ സ്പീക്കറായിരുന്നു പ്രമോദ് സാവന്ത്. മുഖ്യമന്ത്രിയായിരുന്ന മനോഹര് പരീക്കറുടെ നിര്യാണത്തെ തുടര്ന്നാണ് പുതിയ മുഖ്യമന്ത്രിയെ തെരഞ്ഞെടുത്തത്.
രണ്ട് ഘടകകക്ഷികളുടെ എംഎല്എമാരും മൂന്ന് സ്വതന്ത്രരും അടക്കം 9പേരുടെ പിന്തുണ ഉറപ്പായതോടെ കേന്ദ്ര നിരീക്ഷകന് നിതിന് ഗഡ്കരിയുടെ നേതൃത്വത്തില് അര്ദ്ധരാത്രി 12 മണിയോടെ രാജ്ഭവനിലെത്തി. ഗോവ പോലെ ചെറിയ സംസ്ഥാനത്ത് രണ്ട് ഉപമുഖ്യമന്ത്രിമാരെന്ന ഘടകകക്ഷികളുടെ ആവശ്യത്തെ ബിജെപി എതിര്ത്തെങ്കിലും സമ്മര്ദ്ദം ശക്തമായപ്പോള് വഴങ്ങി. ബിജെപി മുഖ്യമന്ത്രിയെ തെരഞ്ഞെടുക്കുന്നതിലും ഭിന്നത ഉയര്ന്നു.
പ്രമോദ് സാവന്തിനൊപ്പം ,വിശ്വിജിത്ത് റാണെ ,സംസ്ഥാന അധ്യക്ഷന് വിനയ് തെന്ഡുള്ക്കര് എന്നിവരുടെ പേരും ഉയര്ന്നതോടെ ചര്ച്ചകള് നീണ്ടു. വൈകിട്ട് അമിത്ഷാ എത്തി എംഎല്എമാരെ കണ്ടതിന് ശേഷമാണ് പ്രമോദ് സാവന്തിനെ മുഖ്യമന്ത്രിയായി തീരുമാനിച്ചത്.