ചെന്നൈ: അറുമുഖ സ്വാമി കമ്മീഷന് തമിഴ്നാട് മുന് മുഖ്യമന്ത്രി ജയലളിതയുടെ മരണകാരണത്തെക്കുറിച്ചുള്ള അന്വേഷണവുമായി മുന്നോട്ട് പോകാമെന്ന് മദ്രാസ് ഹൈക്കോടതി പറഞ്ഞു. കമ്മീഷന് പിരിച്ച് വിടാന് നിര്ദേശം നല്കണമെന്ന് ആവശ്യപ്പെട്ട് അപ്പോളോ ആശുപത്രി നല്കിയ ഹര്ജിയിലാണ് കോടതിയുടെ ഉത്തരവ്.
ഹര്ജി അന്വേഷണം ആശുപത്രിയുടെ പേരിന് കളങ്കമുണ്ടാക്കിയതായും കമ്മീഷനെ നിയമിച്ച സര്ക്കാര് ഉത്തരവ് റദ്ദാക്കണമെന്നും ആവശ്യപ്പെട്ടായിരുന്നു. എന്നാല് കമ്മീഷനെ പിരിച്ചുവിടാന് മതിയായ കാരണങ്ങള് ബോധിപ്പിക്കാന് ഹര്ജിക്കാര്ക്ക് സാധിച്ചില്ലെന്ന് കോടതി ചൂണ്ടിക്കാട്ടി.
അന്വേഷണ കമ്മീഷന് തമിഴ്നാട് ആരോഗ്യ വകുപ്പ് സെക്രട്ടറി ജെ രാധാകൃഷ്ണനും അപ്പോളോ ആശുപത്രി അധികൃതരും തമ്മില് നടത്തിയ ഗൂഢാലോചനയുടെ ഫലമായി ജയലളിതയ്ക്ക് മോശം ചികിത്സയാണ് നല്കിയതെന്ന് ആരോപിച്ചിരുന്നു. ജയലളിത ചികിത്സയിലിരിക്കെ തമിഴ്നാട് ചീഫ് സെക്രട്ടറിയായിരുന്ന രാമ മോഹന റാവുവിനെതിരേയും അന്വേഷണ കമ്മീഷന് വിരല് ചൂണ്ടുന്നു.
ഉദ്യോഗസ്ഥരുടെ ആരോപണം രാമ മോഹന റാവു തെറ്റായ തെളിവുകള് ഹാജരാക്കിയെന്നാണ്. കൂടാതെ ജയലളിതയെ വിദേശത്തേക്ക് ചികിത്സയ്ക്കായി കൊണ്ടുപോകുന്നതിനെ ചീഫ് സെക്രട്ടറി എതിര്ത്തുവെന്നും അന്വേഷണ കമ്മീഷന് ആരോപിച്ചു.