ന്യൂഡല്ഹി: പുല്വാമ ഭീകരാക്രമണത്തിന്റെ പശ്ചാത്തലത്തില് കേന്ദ്രസര്ക്കാര് നാളെ സര്വകക്ഷിയോഗം വിളിച്ചു. നാളെ രാവിലെ 11 മണിക്ക് പാര്ലമെന്റ് ലൈബ്രറി കെട്ടിടത്തിലാണ് കേന്ദ്രസര്ക്കാര് സര്വകക്ഷി യോഗം വിളിച്ചിരിക്കുന്നത്.
കേന്ദ്ര ആഭ്യന്തരമന്ത്രി രാജ്നാഥ് സിംഗിന്റെ അധ്യക്ഷതയിലാകും യോഗം. പുല്വാമ ഭീകരാക്രമണത്തെത്തുടര്ന്ന് ഇനി സ്വീകരിക്കേണ്ട നടപടികളെക്കുറിച്ച് പ്രതിപക്ഷ കക്ഷികള്ക്കിടയില് സമവായമുണ്ടാക്കാനാണ് യോഗം.
അതേസമയം, ഭീകരരെ നേരിടുന്നതില് കോണ്ഗ്രസ് സര്ക്കാരിനും സൈന്യത്തിനും ഒപ്പമാണെന്ന് കോണ്ഗ്രസ് അധ്യക്ഷന് രാഹുല് ഗാന്ധി നേരത്തെ പ്രതികരിച്ചിരുന്നു.