ന്യൂഡല്ഹി:ഗാര്ഹിക പീഡനം തടയാനുള്ള ഐപിസി 498 എ വകുപ്പ് ദുരുപയോഗം ചെയ്യുന്നത് തടയാന് സുപ്രീം കോടതി രണ്ടംഗ ബഞ്ച് പുറപ്പെടുവിച്ച മാര്ഗ രേഖ ചീഫ് ജസ്റ്റിസ് അധ്യക്ഷനായ മൂന്നംഗ ബഞ്ച് ഭേദഗതി ചെയ്തു.
ഇതോടെ പരാതി കിട്ടിയാലുടന് പ്രതികളെ അറസ്റ്റ് ചെയ്യാം. അറസ്റ്റിന് മുന്പ് ജില്ലാതല കുടുംബ ക്ഷേമ സമിതികള് പരാതി പരിശോധിക്കണമെന്ന രണ്ടംഗ ബഞ്ചിന്റെ നിര്ദേശം സുപ്രീം കോടതി പിന്വലിച്ചു.
രാജേഷ് ശര്മ കേസില് രണ്ടംഗ ബഞ്ച് 2017 ല് പുറപ്പെടുവിച്ച മാര്ഗനിര്ദേശമാണ് സുപ്രീം കോടതി ഭേദഗതി ചെയ്തത്. ക്രിമിനല് നടപടി ചട്ടത്തില് തന്നെ വകുപ്പ് ദുരുപയോഗം ചെയ്യുന്നത് തടയാന് സംവിധാനമുണ്ടെന്ന് മൂന്നംഗ ബഞ്ച് നിരീക്ഷിച്ചു.