പ്രശസ്ത ബോളിവുഡ് നടി ദീപിക പദുകോണിനെ ആശുപത്രിയില് പ്രവേശിപ്പിച്ചു. ഹൃദയമിടിപ്പ് വര്ദ്ധിച്ചതിനെ തുടര്ന്നാണ് ദീപിക പദുകോണിനെ ആശുപത്രിയില് പ്രവേശിപ്പിച്ചത്. ഹൈദരാബാദില് പുതിയ സിനിമയുടെ ചിത്രീകരണം പുരോഗമിക്കുന്നതിനിടെയാണ് സംഭവം.
ഒരു സ്വകാര്യ ആശുപത്രിയിലാണ് താരത്തെ പ്രവേശിപ്പിച്ചത്. വിശദമായ പരിശോധനയ്ക്ക് ശേഷം ഹൃദയമിടിപ്പ് സ്ഥിരമായതിനെ തുടര്ന്ന് നടിയെ വിട്ടയച്ചു. ചിത്രീകരണം പുരോഗമിക്കുന്ന ചിത്രത്തില് തെന്നിന്ത്യന് താരം പ്രഭാസ് ആണ് ദീപികയുടെ നായകനായി എത്തുന്നത്.
അമിതാഭ് ബച്ചനും പ്രധാന കഥാപാത്രത്തെ അവതരിപ്പിക്കുന്നു. കഴിഞ്ഞ വര്ഷം ആരംഭിച്ച ചിത്രത്തിന്റെ ഷൂട്ടിങ് ഹൈദരാബാദില് പുരോഗമിക്കുകയാണ്. സാങ്കല്പ്പിക മൂന്നാം ലോക മഹായുദ്ധത്തിന്റെ പശ്ചാത്തലത്തില് നടക്കുന്ന ഒരു സയന്സ് ഫിക്ഷന് ത്രില്ലര് ചിത്രമെന്നാണ് സൂചന.