നടന് സുരേഷ് ഗോപിയുടെ പുതിയ ലുക്ക് സോഷ്യല്മീഡിയയില് വളരെയേറെ ചര്ച്ചയായിരുന്നു. കഴിഞ്ഞ ദിവസം സുരേഷ് ഗോപിയുടെ പുതിയ ലുക്കിനെ പരിഹസിച്ചു കൊണ്ട് വന്ന ട്രോളിന് മകന് ഗോകുല് സുരേഷ് നല്കിയ മറുപടി സോഷ്യല് മീഡിയ ഏറ്റെടുത്തിരുന്നു.
ഇപ്പോഴിതാ തന്റെ താടിയെ കുറിച്ചുള്ള ട്രോളിന് രസകരമായ മറുപടി നല്കിയിരിക്കുകയാണ് സുരേഷ് ഗോപി. പൂച്ച കടിച്ചതായും പാപ്പാഞ്ഞി ആയും സിംഹവാലന് ആയും പലര്ക്കും തോന്നിയ തന്റെ താടി നിങ്ങളുടെ ആവശ്യത്തിലേക്കുള്ള തന്റെ ചുമതല കഴിഞ്ഞതുകൊണ്ട് വടിച്ച് കളഞ്ഞിട്ടുണ്ട് എന്നായിരുന്നു താരം കുറിച്ചത്.
രാജ്യസഭാ അംഗമായി ആറ് വര്ഷം പൂര്ത്തിയാക്കിയത് അറിയിച്ചുകൊണ്ടുള്ള കുറിപ്പിലാണ് താരം താടി പരാമര്ശത്തിന് മറുപടി നല്കിയത് .രാജ്യസഭാ എംപി എന്ന നിലയില് ആറുവര്ഷത്തെ കാലയളവില് ലഭിച്ച എല്ലാ പിന്തുണയ്ക്കും നന്ദി അറിയിക്കുന്നുവെന്ന് സുരേഷ് ഗോപി പറഞ്ഞു.
നിരന്തരമായ പ്രോത്സാഹനം കൊണ്ട് കൂടുതല് ശക്തി പ്രാപിച്ചു, എന്റെ വീക്ഷണങ്ങള്ക്ക് പുരോഗതി കൈവരിച്ചു. ‘പൂച്ച കടിച്ചതായും പാപ്പാഞ്ഞി ആയും സിംഹവാലന് ആയും പലര്ക്കും തോന്നിയ എന്റെ താടി നിങ്ങളുടെ ആവശ്യത്തിലേക്കുള്ള എന്റെ ചുമതല കഴിഞ്ഞതുകൊണ്ട് വടിച്ച് കളഞ്ഞിട്ടുണ്ട്.. ഇനി ഉള്ളത് നല്ല രണ്ടു കൊമ്പാണ്… ഒറ്റക്കൊമ്പന്റെ കൊമ്പ്’ എന്നായിരുന്നു സുരേഷ് ഗോപിയുടെ കുറിപ്പ്.