കൊച്ചി: ആശുപത്രിയില് ചികിത്സയില് കഴിയുന്ന നടനും സംവിധായകനുമായ ശ്രീനിവാസന്റെ ആരോഗ്യ നിലയില് പുരോഗതിയെന്ന് ഡോക്ടര്മാര്. നെഞ്ചുവേദനയെത്തുടര്ന്നാണ് നടനെ ആശുപത്രിയില് പ്രവേശിപ്പിച്ചത്. നിലവില് ആരോഗ്യനില തൃപ്തികരമാണെന്ന് ആശുപത്രി അധികൃതര് അറിയിച്ചു.
മരുന്നുകളോട് പ്രതികരിക്കുന്നുണ്ടെന്നും ആശുപത്രി അധികൃതര് അറിയിച്ചു. ഹൃദയ സംബന്ധമായ അസുഖങ്ങളെ തുടര്ന്നാണ് ശ്രീനിവാസനെ അങ്കമാലി അപ്പോളോ അഡ്ലക്സ് ആശുപത്രിയില് പ്രവേശിപ്പിച്ചത്. തീവ്രപരിചരണ വിഭാഗത്തിലാണ് താരം ചികിത്സയിലുള്ളത്.
മാര്ച്ച് 30നാണ് ശ്രീനിവാസനെ ആശുപത്രിയിലെത്തിച്ചത്. ആന്ജിയോഗ്രാം പരിശോധനയില് ട്രിപ്പിള് വെസ്സല് ഡിസീസ് (ധമനികളിലെ രക്തമൊഴുക്കിന് തടസം നേരിടല്) കണ്ടെത്തി. ഇതേത്തുടര്ന്ന് മാര്ച്ച് 31 വ്യാഴാഴ്ച്ച ബൈപാസ് സര്ജറിക്ക് വിധേയനാക്കിയിരുന്നു.