കൊച്ചി: നടിയെ ആക്രമിച്ച കേസില് നടന് ദിലീപിനെതിരെയുള്ള തന്റെ വെളിപ്പെടുത്തലുകള്ക്ക് മലയാളത്തിലെ നിരവധി താരങ്ങളുടെ പിന്തുണ ലഭിച്ചെന്ന് സംവിധായകന് ബാലചന്ദ്രകുമാര് പറയുന്നു.
അന്വേഷണ ഉദ്യോഗസ്ഥരെ വധിക്കാന് ദിലീപ് ഗൂഡാലോചന നടത്തിയെന്ന തന്റെ വെളിപ്പെടുത്തലിന് മലയാളത്തിലെ ഒരു സൂപ്പര് താരത്തിന്റെ പിന്തുണ ലഭിച്ചെന്നും ഇദ്ദേഹം പറഞ്ഞു.
‘മലയാളത്തിലെ സൂപ്പര് താരങ്ങളിലൊരാള് എനിക്ക് മെസേജ് അയച്ചു. കേസുമായി മുന്നോട്ട് പോവാന് അദ്ദേഹം പിന്തുണച്ചു. ഒരുപാട് താരങ്ങള് അറിയുന്നവരും അറിയാത്തവരും മെസേജ് അയക്കുന്നുണ്ട്,’ ബാലചന്ദ്രകുമാര് പറഞ്ഞു.
അതേസമയം, അന്വേഷണ ഉദ്യോഗസ്ഥരെ വധിക്കാന് ഗൂഢാലോചന നടത്തിയെന്ന കേസില് പ്രതി ദിലീപ് ചോദ്യം ചെയ്യലിനായി ക്രൈംബ്രാഞ്ച് ഓഫീസില് എത്തി.
ദിലീപും സഹോദരന് അനുപൂം സഹോദരീ ഭര്ത്താവ് സൂരജും ഒന്നിച്ചാണ് എത്തിയത്. ദിലീപിന്റെ ബന്ധു അപ്പു, സുഹൃത്ത് ബൈജു ചെങ്ങമനാട് എന്നിവര് നേരത്തെ ക്രൈംബ്രാഞ്ച് ഓഫീസില് എത്തിയിരുന്നു. ഇന്ന് രാവിലെ ഒമ്പത് മണിക്ക് ഹാജരാകണമെന്നാണ് അഞ്ച് പേര്ക്കും നോട്ടീസ് നല്കിയിരുന്നത്. ഇന്ന് മുതല് മൂന്ന് ദിവസം ചോദ്യം ചെയ്യലിന് ഹാജരാകണമെന്നാണ് കോടതി ഉത്തരവ്.