കൊച്ചി: നടിയെ ആക്രമിച്ച കേസില് വെളിപ്പെടുത്തലുകള് വന്നുകൊണ്ടിരിക്കുകയാണ്. ഇതിനിടെ സിനിമ താരങ്ങളുടെ മൊഴി മാറ്റത്തിന്റെ കാരണം അന്വേഷിക്കാനൊരുങ്ങുകയാണ് പൊലീസ്. നടന് സിദ്ദിഖ്, ഇടവേള ബാബു, ഭാമ, ബിന്ദു പണിക്കര് എന്നിവര് ഉള്പ്പെടെയുള്ളവരാണ് കോടതിയില് മൊഴി മാറ്റിയിരുന്നത്.
20 സാക്ഷികളാണ് വിചാരണയ്ക്കിടെ കൂറുമാറി പ്രതിഭാഗത്ത് ചേര്ന്നിരുന്നത്. ഇവരുടെ കൂറു മാറ്റത്തിന്റെ സാമ്പത്തിക ശ്രോതസ് പൊലീസ് അന്വേഷിക്കും. ആക്രമിക്കപ്പെട്ട നടിയോട് ദിലീപിനുണ്ടായിരുന്ന വൈരാഗ്യത്തെക്കുറിച്ചായിരുന്നു സിനിമ താരങ്ങളില് നിന്ന് പൊലീസ് ശേഖരിച്ച മൊഴി.
also read: കണ്ണീരില് മുങ്ങി ‘അദ്വെതം’ വീട്; ധീരജിന്റെ മരണവാര്ത്ത കേട്ട് നടുങ്ങി മാതാപിതാക്കളും ബന്ധുക്കള്
എന്നാല് കോടതിയില് എത്തിയപ്പോള് ഇവര് മൊഴി മാറ്റുകയായിരുന്നു. നടിയുടെ സിനിമ അവസരങ്ങള് ദിലീപ് ഇല്ലാതാക്കിയത്, അമ്മ റിഹേഴ്സല് സമയത്ത് നടിയും ദിലീപും തമ്മിലുണ്ടായ തര്ക്കം എന്നിവ സംബന്ധിച്ചായിരുന്നു സിദ്ദിഖ് ഉള്പ്പെടെയുള്ളവരുടെ മൊഴിയെടുത്തത്.