പാലക്കാട്: മലയിലെ പാറയിടുക്കില് നിന്ന് സൈന്യം രക്ഷപ്പെടുത്തിയ ബാബുവിന്റെ ആരോഗ്യനില തൃപ്തികരമെന്ന് ഡോക്ടര്മാര്. വെള്ളിയാഴ്ച ബാബുവിനെ ആശുപത്രിയില് നിന്ന് ഡിസ്ചാര്ജ് ചെയ്യുമെന്ന് മന്ത്രി കെ കൃഷ്ണന് കുട്ടി പറഞ്ഞു.
കഴിഞ്ഞ ദിവസം ആശുപത്രിയിലെത്തി ബാബുവിനെ സന്ദര്ശിച്ച ശേഷമായിരുന്നു മന്ത്രിയുടെ പ്രതികരണം. ചികിത്സയിലുള്ള ബാബുവിന്റെ വൃക്കകളുടെ പ്രവര്ത്തനം പരിശോധിക്കാനുള്ള ടെസ്റ്റ് കൂടിയാണ് ഇനി ബാക്കിയുള്ളത്.
ഈ ടെസ്റ്റ് നടത്തിയശേഷം മറ്റു പ്രശ്നങ്ങളൊന്നുമില്ലെങ്കില് ബാബുവിനെ ഡിസ്ചാര്ജ് ചെയ്യാനുള്ള സാഹചര്യമാണുള്ളതെന്ന് മന്ത്രി കെ കൃഷ്ണന്കുട്ടി പറഞ്ഞു.
കഴിഞ്ഞ രണ്ട് ദിവസമായി ചികിത്സയില് കഴിയുന്ന ബാബുവിന്റെ ആരോഗ്യനില നിലവില് തൃപ്തികരമാണ്. നേരത്തെയുള്ള ക്ഷീണമെല്ലാം മാറിയിട്ടുണ്ടെന്നും ബാബുവിന് മറ്റു ആരോഗ്യപ്രശ്നങ്ങളില്ലെന്നും ഡിഎംഒയും മറ്റു ആരോഗ്യ പ്രവര്ത്തകരും വ്യക്തമാക്കിയിരുന്നു.