തൃശൂര്; ഫയര് ഫോഴ്സ് അക്കാദമിയില് ട്രെയിനി തൂങ്ങിമരിച്ച നിലയില്. മലപ്പുറം വാഴക്കാട് സ്വദേശി രഞ്ജിത്തിനെയാണ് ഫയര് ഫോഴ്സ് അക്കാദമിയില് തുങ്ങി മരിച്ച നിലയില് കണ്ടെത്തിയത്. രഞ്ജിത്തിന് മാനസിക സമ്മര്ദ്ദമുണ്ടായിരുന്നതായി സുഹൃത്തുക്കള് പറയുന്നു.
ഇന്നലെ രാത്രിയിലാണ് സംഭവം. ഹോസ്റ്റല് ബ്ലോക്കിലെ മൂന്നാം നിലയിലാണ് രഞ്ജിത്തിനെ തൂങ്ങിയ നിലയില് കണ്ടത്. 31ാമത് ബാച്ച് ഫയര്മാനായ രഞ്ജിത്ത് നിലവില് സ്റ്റേഷന് ട്രയിനി ഓഫീസറാണ്. നാഗ്പൂരിലെ ഫയര്ഫോഴ്സ് അക്കാഡമിയില് ഫയര് ഓഫീസര് ട്രെയിനിയായി കഴിഞ്ഞ 10 നാണ് ഇയാള്ക്ക് പ്രവേശനം ലഭിച്ചത്.
കോവിഡ് സാഹചര്യത്തില് ഓണ്ലൈന് ക്ലാസുകള്ക്കായി തൃശൂര് ഫയര്ഫോഴ്സ് അക്കാദമിയില് എത്തിയതായിരുന്നു. രഞ്ജിത്ത് കുറച്ച് ദിവസങ്ങളായി മാനസിക സമ്മര്ദ്ദത്തിലായിരുന്നുവെന്നാണ് സുഹൃത്തക്കള് പറയുന്നത്. എന്നാല് കാരണം പറഞ്ഞിരുന്നില്ലെന്ന് ഇവര് പറയുന്നു.