ഇടുക്കി: ഇടുക്കി സ്വദേശി ആത്മഹത്യ ചെയ്ത സംഭവത്തില് മുന് ദേവികുളം സബ് കളക്ടറായിരുന്ന ശ്രീറാം വെങ്കിട്ടരാമനെതിരെ പരാതി. ശ്രീറാമിനെതിരെ നടപടിയെടുക്കണമെന്ന് ആശ്യപ്പെട്ട് മുഖ്യമന്ത്രിക്കാണ് പരാതി നല്കിയിരിക്കുന്നത്. ഇക്കാര്യം മലയാള മനോരമയാണ് റിപ്പോര്ട്ട് ചെയ്യുന്നത്.
വ്യാജ ആധാരമുണ്ടാക്കി ബന്ധുക്കള് ഭൂമി തട്ടിയെടുത്തതില് മനംനൊന്ത് 2017 ഏപ്രിലിലാണ് ഇടുക്കി കട്ടപ്പന സ്വദേശിയായ കെഎന് ശിവന് ആത്മഹത്യ ചെയ്തത്. ഇത് കാണിച്ച് അന്നത്തെ ദേവികുളം സബ് കലക്ടറായിരുന്ന ശ്രീറാം വെങ്കിട്ടരാമന് ഇദ്ദേഹം പരാതി നല്കിയിരുന്നു. എന്നാല് ശ്രീറാം പരാതിയിന്മേല് നടപടികളൊന്നുമെടുത്തില്ലെന്ന് മരിച്ച ശിവന്റെ സഹോദര പുത്രന് പ്രദീപ് വ്യക്തമാക്കി.
തട്ടിപ്പുകാരെ സഹായിക്കുന്ന രീതിയിലുള്ളതായിരുന്നു ശ്രീറാമിന്റെ നടപടി. ഇതില് മനംനൊന്താണ് ശിവന് ആത്മഹത്യ ചെയ്തത്. ശ്രീറാം ഇതില് കുറ്റക്കാരനാണെന്നും തുടര്നടപടികള് സ്വീകരിക്കണമെന്നും പരാതിയില് ആവശ്യപ്പെടുന്നു.