ന്യൂഡല്ഹി: കഴിഞ്ഞ ഒരാഴ്ച്ചയായി ഉത്തരേന്ത്യയിലും വടക്ക് കിഴക്കന് സംസ്ഥാനങ്ങളിലും പെയ്യുന്ന ശക്തമായ മഴയ്ക്കും പ്രളയത്തിനും ഇനിയും ശമനമുണ്ടായിട്ടില്ല. ആസം, ബീഹാര്, അടക്കമുള്ള സംസ്ഥാനങ്ങളെയാണ് മഴ രൂക്ഷമായി ബാധിച്ചത്.
പ്രളയക്കെടുതി രൂക്ഷമായതോടെ സംസ്ഥാനങ്ങള്ക്ക് ജാഗ്രതാ നിര്ദ്ദേശം നല്കിയിട്ടുണ്ട്. ആസാമില് 10 ദിവസമായി തുടരുന്ന മഴക്കെടുതിയില് 15 പേരാണ് മരിച്ചത്. ആസമിലെ പ്രധാനപ്പെട്ട സ്ഥലങ്ങളൊക്കെ ഒറ്റപ്പെട്ട അവസ്ഥയിലാണ്.
ബീഹാറില് കഴിഞ്ഞ മൂന്ന് ദിവസമായി പെയ്യുന്ന കനത്ത മഴയില് 13 ജില്ലകളില് കാര്യമായ നാശനഷ്ടങ്ങള് ഉണ്ടായി. 24 പേരാണ് ബീഹാറില് ഇതുവരെ മരിച്ചത്. മരണസംഖ്യ ഇവിടെ ഇനിയും ഉയരാനാണ് സാധ്യത.
രാജ്യത്തൊട്ടാകെ ഏകദേശം 70 ലക്ഷത്തോളം ആളുകളെ പ്രളയെക്കെടുതി ബാധിച്ചെന്നാണ് സര്ക്കാര് പറയുന്നത്. ആസാമില് മാത്രം 83000 ത്തോളം ആളുകളെ ദുരിതാശ്വാസ ക്യാമ്പിലേക്ക് മാറ്റിയിട്ടുണ്ട്. രണ്ട് ദിവസം കൂടി സംസ്ഥാനങ്ങളില് മഴ തുടരുമെന്നാണ് കാലാവസ്ഥ നിരീക്ഷണ കേന്ദ്രത്തിന്റെ അറിയിപ്പ്.