ലണ്ടന്: കോടികളുടെ തട്ടിപ്പ് നടത്തി രാജ്യംവിട്ട് ലണ്ടനില് അറസ്റ്റിലായ നീരവ് മോദിയുടെ ജാമ്യാപേക്ഷ ലണ്ടന് കോടതി തള്ളി. സാമ്പത്തിക തട്ടിപ്പിന്റെ വ്യാപ്തി കണക്കിലെടുത്താണ് ജാമ്യം നിഷേധിച്ചത്. ജാമ്യത്തില് വിട്ടാല് ഒളിവില്പ്പോവാന് സാധ്യതയുണ്ടെന്ന് കോടതി നിരീക്ഷിച്ചു. ലണ്ടനിലെ വെസ്റ്റ് മിന്സ്റ്റര് കോടതിയാണ് നീരവ് മോദിക്കെതിരെ അറസ്റ്റ് വാറണ്ട് പുറപ്പെടുവിച്ചത്.
നീരവ് മോദിയുടെ ഭാര്യ എമിക്കെതിരെയും അറസ്റ്റ് വാറന്റ് പുറപ്പെടുവിച്ചിരുന്നു. ജാമ്യമില്ലാ വകുപ്പുകള് പ്രകാരമാണ് വാറന്റ്. ഭാര്യ എമിയും നീരവിനൊപ്പം രാജ്യം വിട്ടിരുന്നു. അതേസമയം, നീരവ് മോദിയുടെ ഇന്ത്യയിലെ സ്വത്തുക്കള് ലേലം ചെയ്യാനുള്ള നീക്കം എന്ഫോഴ്സ്മെന്റ് ഡയറക്ടറേറ്റ് തുടങ്ങിയിട്ടുണ്ട്.