ഹരാരെ: ആഫ്രിക്കന് രാജ്യമായ മൊസാംബിക്കില് നാശം വിതച്ച ഇദായ് ചുഴലിക്കാറ്റില് മരിച്ചവരുടെ എണ്ണം 1500 കടന്നുവെന്ന് റിപ്പോര്ട്ട്. മരണപെട്ടതായി ഇതുവരെ സ്ഥിരീകരിച്ചവരുടെ എണ്ണം 84 ആണെന്നാണ് കണക്കുകള് പറയുന്നതെങ്കിലും ദുരന്തത്തിന്റെ വ്യാപ്തി അനുസരിച്ച് മരണ സംഖ്യ ഇനിയും ഉയരാന് സാധ്യതയുള്ളതായി മൊസാംബിക്ക് പ്രസിഡന്റ് അറിയിച്ചു.
മൊസാംബിക്ക്, സിംബാബ്വെ അതിര്ത്തി പ്രദേശങ്ങളിലാണ് നാശംവിതച്ച് 170 കിലോമീറ്റര് വേഗതയില് കാറ്റ് ആഞ്ഞുവീശിയത്. ചുഴലിക്കാറ്റിനോടൊപ്പം കനത്ത മഴ ഉണ്ടായത് വെള്ളപ്പൊക്കത്തിന് കാരണമായി. മഴയിലും കാറ്റിലും റോഡുകളും വീടുകളും പാലങ്ങളും ഒലിച്ചുപോയി. വൈദ്യുതി, വാര്ത്താവിതരണ സംവിധാനങ്ങള് എന്നിവ പൂര്ണ്ണമായി നിലച്ചു. വ്യാഴാഴ്ച വൈകുന്നേരം ആരംഭിച്ച ചുഴലിക്കാറ്റില് മൊസാംബിക് മേഖലയില് ഉരുള്പ്പൊട്ടലും മണ്ണിടിച്ചിലും ഉണ്ടായി.
അതേസമയം, 26 ലക്ഷത്തോളം പേരെ ഇതിനോടകം ഇദായ് ചുഴലിക്കാറ്റ് ബാധിച്ചുവെന്ന് ഐക്യരാഷ്ട്രസഭയും സര്ക്കാരും വിലയിരുത്തുന്നു.