ബീജിംഗ്: വിദ്യാര്ത്ഥികളുടെ പ്രവേശന ദിവസം പോള് ഡാന്സ് സംഘടിപ്പിച്ചിച്ച് ചൈനയിലെ ഒരു സ്കൂള്. ബിക്കിനി ധരിച്ചെത്തിയ യുവതി വന്നതോടെ പ്രതിഷേധവുമായി രക്ഷിതാക്കള് രംഗത്തെത്തി. സ്കൂള് ഗ്രൗണ്ടിലാണ് തിങ്കളാഴ്ച നഴ്സറി കുട്ടികള്ക്കായി പോള് ഡാന്സറുടെ നൃത്തം സംഘടിപ്പിച്ചിരുന്നത്. സംഭവം വിവാദമായതോടെ ഖേദ പ്രകടനവുമായി സ്കൂള് പ്രിന്സിപ്പാള് രംഗത്തെത്തി. മൂന്ന് മുതല് ആറ് വയസ്സ് വരെ പ്രായമായ കുട്ടികള് പഠിക്കുന്ന സ്കൂളാണ് ഇത്.
പുതിയ അധ്യയന വര്ഷം ആരംഭിക്കുന്നതിന്റെ ഭാഗമായാണ് കുട്ടികളെ സ്വീകരിക്കാന് ഇത്തരമൊരു പുത്തന് ആശയം മുന്നോട്ട് വച്ചത്. യുവതിയുടെ ഡാന്സ് കണ്ടപ്പാടെ ആണ്കുട്ടികള് അടക്കം ചിരിക്കുന്നത് വീഡിയോയില് ദൃശ്യമാണ്. അമേരിക്കന് സാഹിത്യകാരന് മൈക്കിള് സ്റ്റാന്ഡാര്ട്ട് ആണ് വീഡിയോ ട്വിറ്ററിലൂടെ പങ്കുവച്ചത്. ഇത് ഒരു നല്ല ആശയമാണെന്ന് ആര് കരുതുമെന്നും അദ്ദേഹം വിമര്ശിച്ചു.
ഇത് ലോക വ്യാപകമാണെന്നും നല്ല വ്യായാമമാണെന്നുമായിരുന്നു പ്രിന്സിപ്പാളിന്റെ ആദ്യ പ്രതികരണം. എന്നാല് അത് മുതിര്ന്നവര്ക്കാണെന്നും 3 മുതല് ആറ് വയസ്സുവരെയുള്ള കുട്ടികള്ക്കല്ലെന്നും മൈക്കല് പറഞ്ഞു. നിരവധി പേരാണ് സ്കൂളിനെതിരെ രംഗത്തെത്തിയിരിക്കുന്നത്. അധികൃതര് ഇടപെട്ടതോടെ പ്രിന്സിപ്പാള് മാപ്പ് പറയുകയായിരുന്നു. ഇത്തരമൊരു നൃത്തരൂപം ഉണ്ടെന്ന് കുട്ടികളെ അറിയിക്കുകയായിരുന്നു തന്റെ ഉദ്ദേശമെന്നും എന്നാല് ഇത് കുട്ടികളെ ഒരിക്കലും പഠിപ്പിക്കില്ലെന്നും പ്രിന്സിപ്പാള് കൂട്ടിച്ചേര്ത്തു.
So before our kids got out of kindergarten for the summer, there was 10 days of military "activities" and displays of machine guns and mortars at the door; now the principal has welcomed them back with a strip pole dance on the flagpole bearing the PRC flag. She's gone nuts. pic.twitter.com/BJr4UI6Oq3
— Michael Standaert (@mstandaert) September 3, 2018