തിരുവനന്തപുരം: തീരപ്രദേശത്ത് ശക്തമായ കാറ്റിന് സാധ്യതയുള്ളതിനാല് മത്സ്യത്തൊഴിലാളികള് ജാഗ്രത പാലിക്കണമെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. തമിഴ്നാട് തീരത്തുനിന്നു തെക്ക് ദിശയില് മണിക്കൂറില് 35 മുതല് 45 കിലോമീറ്റര് വരെ വേഗതയില് കാറ്റ് വീശാന് സാധ്യതയുണ്ടെന്നാണ് മുന്നറിയിപ്പ്. വെള്ളിയാഴ്ച രാത്രി 11.30 വരെ കേരള, കര്ണാടക, ലക്ഷദ്വീപ് തീരങ്ങളില് കടല് പ്രക്ഷുബ്ദമാകാന് സാധ്യതയുണ്ടെന്നും അധികൃതര് അറിയിച്ചു.