തൃശൂര്:പ്രളയ ദുരന്തത്തില് വീട് നഷ്ടപ്പെട്ടവര്ക്ക് വേണ്ടി ആവിഷ്കരിച്ച കെയര് കേരള പദ്ധതി പ്രകാരം നിര്മ്മാണം ആരംഭിച്ച രണ്ടായിരം വീടുകളില് ആദ്യം പൂര്ത്തിയായ 228 വീടുകള് നാളെ കൈമാറുമെന്ന് സഹകരണ വകുപ്പ് മന്ത്രി കടകംപിള്ളി സുരേന്ദ്രന്.
തിരുവനന്തപുരം ജവഹര് സഹകരണ ഭവന് ഓഡിറ്റോറിയത്തില് നടക്കുന്ന ചടങ്ങില് നാളെ (26.02.19) പകല് 2.45 മണിക്ക് മുഖ്യമന്ത്രി പിണറായി വിജയന് സംസ്ഥാന തല ഉദ്ഘാടനവും വീടുകളുടെ താക്കോല് ദാനവും നിര്വഹിക്കും. സംസ്ഥാന തല ഉദ്ഘാടന ചടങ്ങിനൊപ്പം എല്ലാ ജില്ലകളിലും പ്രത്യേകം തയ്യാറാക്കിയ വേദിയില് തത്സമയ സംപ്രേഷണ സൗകര്യമൊരുക്കി ഒരേ സമയം താക്കോലുകള് കൈമാറുകയാണ് ചെയ്യുക. അതാത് ജില്ലകളില് നടക്കുന്ന പരിപാടിയില് വിവിധ മന്ത്രിമാരും ജനപ്രതിനിധികളും ഗുണഭോക്താക്കള്ക്ക് താക്കോലുകള് കൈമാറുമെന്നും മന്ത്രി പറഞ്ഞു. ഫേയ്സ് ബുക്കിലൂടെയാണ് മന്ത്രി ഇക്കാര്യം വ്യക്തമാക്കിയത്.
ഫേയ്സ്ബുക്ക് പോസ്റ്റ്:
സഹകരണ വകുപ്പ് മന്ത്രിയെന്ന നിലയിലും ഒരു പൊതുപ്രവര്ത്തകന് എന്ന നിലയിലും ഏറെ അഭിമാനകരമായ ദിവസമാണ് നാളെ. പ്രളയ ദുരന്തത്തില് വീട് നഷ്ടപ്പെട്ട 228 കുടുംബങ്ങള് നാളെ പുതിയ വീടുകളിലേക്ക് മാറും. സഹകരണ വകുപ്പ് ആവിഷ്കരിച്ച കെയര് കേരള പദ്ധതി പ്രകാരം നിര്മ്മാണം ആരംഭിച്ച രണ്ടായിരം വീടുകളില് ആദ്യം പൂര്ത്തിയായ 228 വീടുകളാണ് നാളെ കൈമാറുന്നത്. തിരുവനന്തപുരം ജവഹര് സഹകരണ ഭവന് ഓഡിറ്റോറിയത്തില് നടക്കുന്ന ചടങ്ങില് നാളെ (26.02.19) പകല് 2.45 മണിക്ക് മുഖ്യമന്ത്രി പിണറായി വിജയന് സംസ്ഥാന തല ഉദ്ഘാടനവും വീടുകളുടെ താക്കോല് ദാനവും നിര്വഹിക്കും. സംസ്ഥാന തല ഉദ്ഘാടന ചടങ്ങിനൊപ്പം എല്ലാ ജില്ലകളിലും പ്രത്യേകം തയ്യാറാക്കിയ വേദിയില് തത്സമയ സംപ്രേഷണ സൗകര്യമൊരുക്കി ഒരേ സമയം താക്കോലുകള് കൈമാറുകയാണ് ചെയ്യുക. അതാത് ജില്ലകളില് നടക്കുന്ന പരിപാടിയില് വിവിധ മന്ത്രിമാരും ജനപ്രതിനിധികളും ഗുണഭോക്താക്കള്ക്ക് താക്കോലുകള് കൈമാറും.
സഹകരണ വകുപ്പ് സമാഹരിച്ച ഫണ്ടില് നിന്നും ഒരു വീടിന് 4 ലക്ഷം രൂപ വീതവും, സംസ്ഥാന ദുരന്ത നിവാരണ അതോറിറ്റി ഫണ്ടില് നിന്നും ഒരു ലക്ഷം രൂപ വീതവും നല്കിയതോടെ 5 ലക്ഷം രൂപയാണ് ഒരു വീടിനായി മുടക്കിയത്. എന്നാല് പലയിടങ്ങളിലും കൂടുതല് തുക കണ്ടെത്തി അതും വീട് നിര്മ്മാണത്തിനായി വിനിയോഗിച്ചു. നിര്മ്മാണ പുരോഗതി ദിവസവും വിലയിരുത്തി സമയബന്ധിതമായാണ് വീട് നിര്മ്മാണം നടത്തിയത്. രണ്ടു മാസത്തിനകം രണ്ടായിരം വീടുകളുടെയും നിര്മ്മാണം പൂര്ത്തീകരിക്കും. കഴിഞ്ഞ വര്ഷം ഡിസംബര് രണ്ടിനാണ് കെയര് ഹോം പദ്ധതിക്ക് മുഖ്യമന്ത്രി ചെങ്ങന്നൂരില് തുടക്കം കുറിച്ചത്. മൂന്ന് മാസം തികയുന്നതിന് മുമ്പേ 228 വീടുകളുടെ നിര്മ്മാണം പൂര്ത്തിയാക്കിയത് സഹകരണ പ്രസ്ഥാനത്തിന്റെ കരുത്തിന്റെ തെളിവാണ്. 200 വീടുകളാണ് ആദ്യഘട്ടത്തില് നിര്മ്മാണം പൂര്ത്തിയാക്കാന് ലക്ഷ്യമിട്ടതെങ്കിലും 28 വീടുകള് കൂടുതല് പൂര്ത്തീകരിച്ചതോടെയാണ് 228 വീടുകള് കൈമാറാനാകുന്നത്.
26.02.2019-ന് നിര്മ്മാണം പൂര്ത്തീകരിച്ച് താക്കോലുകള് കൈമാറുന്ന വീടുകളുടെ എണ്ണം ജില്ല തിരിച്ച് നല്കുന്നു. (തിരുവനന്തപുരം – 16, കൊല്ലം – 11, പത്തനംതിട്ട – 30, ആലപ്പുഴ – 6, കോട്ടയം – 29, ഇടുക്കി – 6, എറണാകുളം – 27, തൃശൂര് – 27, പാലക്കാട് – 48, മലപ്പുറം – 3, കോഴിക്കോട് – 8, വയനാട് – 3, കണ്ണൂര് – 11, കാസര്ഗോഡ് – 3