തിരുവനന്തപുരം: മുഖ്യമന്ത്രി പിണറായി വിജയന് ശനിയാഴ്ച രാവിലെ 7.30ന് പ്രളയബാധിത പ്രദേശങ്ങള് സന്ദര്ശിക്കും. ഹെലികോപ്റ്ററില് മുഖ്യമന്ത്രിക്കൊപ്പം റവന്യുമന്ത്രി ഇ ചന്ദ്രശേഖരന്, ചീഫ് സെക്രട്ടറി ടോം ജോസ്, ഡിജിപി ലോക്നാഥ് ബെഹ്റ എന്നിവരും ഉണ്ടാകും.
നാളെ കേന്ദ്ര ആഭ്യന്തര മന്ത്രി രാജ്നാഥ് സിംഗ് കൊച്ചിയിലെത്തുന്നുണ്ട്. മുഖ്യമന്ത്രി പിണറായി വിജയനെ ഫോണില് വിളിച്ച രാജ്നാഥ് സിംഗ് സംസ്ഥാനത്തെ മഴക്കെടുതി സംബന്ധിച്ച് ചര്ച്ച ചെയ്തു. കേന്ദ്രത്തില്നിന്ന് ആവശ്യമായ സഹായം ലഭ്യമാക്കുമെന്ന് അദ്ദേഹം മുഖ്യമന്ത്രിക്ക് ഉറപ്പും നല്കി.
അതേസമയം, സംസ്ഥാനത്ത് കനത്ത മഴ തുടരുന്ന സാഹചര്യത്തില് സര്ക്കാര് നടത്തുന്ന ഔദ്യോഗിക ഓണാഘോഷം മാറ്റിവച്ചേക്കുമെന്നാണ് സൂചന. ഇക്കാര്യം മുഖ്യമന്ത്രിയുമായി ചര്ച്ച ചെയ്ത് തീരുമാനിക്കുമെന്ന് ടൂറിസംമന്ത്രി കടകംപ്പള്ളി സുരേന്ദ്രന് അറിയിച്ചു.
ഓണാഘോഷം റദ്ദാക്കി ആ തുക ദുരിത ബാധിതര്ക്ക് നല്കണമെന്ന് നേരത്തെ പ്രതിപക്ഷ നേതാവ് രമേശ് ചെന്നിത്തല ആവശ്യപ്പെട്ടിരുന്നു.