തിരുവനന്തപുരം: കേരളത്തില് വരുംദിവസങ്ങളിലും അതിശക്തമായ മഴയ്ക്ക് സാധ്യതയെന്ന് മുന്നറിയിപ്പ്. സെപ്റ്റംബര് ഒന്ന് വരെ വ്യാപക മഴയ്ക്ക് സാധ്യതയെന്നാണ് കാലാവസ്ഥ വകുപ്പ് നല്കുന്ന മുന്നറിയിപ്പ്. ഇന്ന് ഒന്പത് ജില്ലകളിലാണ് യെല്ലോ ജാഗ്രത നിര്ദ്ദേശം പുറപ്പെടുവിച്ചിരിക്കുന്നത്.
കോട്ടയം, എറണാകുളം, ഇടുക്കി, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് ഇന്ന് യെല്ലോ അലര്ട്ട് പ്രഖ്യാപിച്ചത്. അടുത്ത അഞ്ച് ദിവസം കേരളത്തില് വ്യാപകമായ മഴക്കൊപ്പം ഇടിയും മിന്നലിനും സാധ്യതയെന്നും പ്രവചനമുണ്ട്.
also read: തൊടുപുഴയില് ഉരുള്പൊട്ടല്, വീട് തകര്ന്ന് അഞ്ചംഗ കുടുംബം മണ്ണിനടിയില്, ഒരാളുടെ മൃതദേഹം കണ്ടെത്തി
തെക്ക് പടിഞ്ഞാറന് ബീഹാറിനു മുകളിലും സമീപ പ്രദേശങ്ങളിലായി ചക്രവാതച്ചുഴി നിലനില്ക്കുന്നതും തെക്കന് ബംഗാള് ഉള്കടലിന്റെ മധ്യഭാഗത്തായി മറ്റൊരു ചക്രവാതച്ചുഴി നിലനില്ക്കുന്നതും മഴയ്ക്ക് കാരണമാണ്. തെക്കന് ബംഗാള് ഉള്കടലില് നിന്നു തെക്കന് തമിഴ്നാട് വരെ ന്യൂനമര്ദ്ദ പാത്തി നിലനില്ക്കുന്നതും വ്യാപക മഴ സാധ്യത വര്ധിപ്പിക്കുന്നു.
ഇന്ന് കോട്ടയം, എറണാകുളം, ഇടുക്കി, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് യെല്ലോ അലര്ട്ട്. നാളെ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര് ജില്ലകളില് യെല്ലോ അലര്ട്ട്.
also read: സ്കൂൾ വിദ്യാർത്ഥിയെ പീഡിപ്പിച്ചു; ബിജെപി നേതാവ് തിരൂരിൽ അറസ്റ്റിൽ
31ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂര്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലും സെപ്റ്റംബര് ഒന്നിന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂര്, കാസര്കോട് ജില്ലകളിലുമാണ് മുന്നിറിയിപ്പ്.