റിയാദ്: ഉറങ്ങിക്കിടക്കവെ മലയാളിക്ക് സൗദി അറേബ്യയില് ദാരുണാന്ത്യം. കോഴിക്കോട് കൊടുവള്ളി സ്വദേശി കിഴക്കോത്തുചാലില് വീട്ടില് ഖാദറിന്റെ മകന് അഷ്റഫ് ആണ് മരിച്ചത്. നാല്പ്പത്തിമൂന്ന് വയസ്സായിരുന്നു. തെക്ക് പടിഞ്ഞാറന് സൗദിയിലെ ഖുന്ഫുദയിലാണ് ഇദ്ദേഹം താമസിക്കുന്നത്.
സെയില്സമാനായി ജോലി ചെയ്യുകയായിരുന്നു അദ്ദേഹം. കഴിഞ്ഞദിവസം രാത്രി ജോലികഴിഞ്ഞു ഉറങ്ങാന് കിടന്നതായിരുന്നു. രാവിലെ എഴുന്നേല്ക്കാതെ കണ്ടപ്പോഴാണ് മരിച്ച വിവരം മറ്റുള്ളവര് അറിയുന്നത്. പതിനേഴ് വര്ഷത്തോളമായി പ്രവാസിയായ അഷ്റഫ് ലീവില് പോയി വന്നിട്ട് രണ്ടു മാസമെ ആയിട്ടുള്ളു.
മാതാവ്: ഫാത്തിമ, ഭാര്യ: ജംഷീന. മൂന്നു മക്കളുണ്ട്. മയ്യിത്ത് ഖുന്ഫുദയില് തന്നെ ഖബറടക്കുമെന്ന് ബന്ധപ്പെട്ടവര് അറിയിച്ചു. മരണാന്തര രേഖകള് ശരിയാക്കുന്നതിനായി ഇന്ത്യന് സോഷ്യല് ഫോറം സ്റ്റേറ്റ് ജനറല് സെക്രട്ടറി ഫൈസല് തമ്പാറ, പ്രവര്ത്തകരായ നിഹാദ് കിഴക്കോത്ത്, കുഞ്ഞായിന്കുട്ടി ചാലില്, റഷീദ് കൊയിലാണ്ടി, സിദ്ധീഖ് കാരാടി എന്നിവര് രംഗത്തുണ്ട്.