തിരുവനന്തപുരം: സംസ്ഥാനത്ത് സ്വര്ണ്ണവില ഇന്നും മുകളിലേക്ക്. കഴിഞ്ഞ ദിവസം രണ്ട് തവണ സ്വര്ണവില ഉയര്ന്നിരുന്നു. രാവിലെ 280 രൂപയും ഉച്ചയ്ക്ക് 240 രൂപയും ഉയര്ന്നു. ഇതിന് പിന്നാലെ ഇന്ന് ഒരു പവന് സ്വര്ണത്തിന് 80 രൂപയുടെ വര്ധനവാണ് ഉണ്ടായത്.
ഇതോടെ ഒരു പവന് സ്വര്ണത്തിന്റെ ഇന്നത്തെ വിപണി വില 37,760 രൂപയായി. ഒരു ഗ്രാം 22 കാരറ്റ് സ്വര്ണത്തിന്റെ വില 10 രൂപ ഉയര്ന്നു. ഇന്നലെ രാവിലെ 35 രൂപയും ഉച്ചയ്ക്ക് 30 രൂപയും ഉയര്ന്നിരുന്നു. ഒരു ഗ്രാം 22 കാരറ്റ് സ്വര്ണത്തിന്റെ വില 4720 രൂപയാണ്.
അതേസമയം, 18 കാരറ്റ് സ്വര്ണത്തിന്റെ വിലയും 10 രൂപ ഉയര്ന്നു. ഒരു ഗ്രാം 18 കാരറ്റ് സ്വര്ണത്തിന്റെ വിപണി വില 3900 രൂപയാണ്. സംസ്ഥാനത്ത് വെള്ളിയുടെ വിലയും ഉയര്ന്നു. സാധാരണ വെള്ളിക്ക് 4 രൂപ ഉയര്ന്നു. രു ഗ്രാം സാധാരണ വെള്ളിയുടെ വില 64 രൂപയാണ്. എന്നാല് ഹാള്മാര്ക്ക് വെള്ളിയുടെ വിലയില് മാറ്റമില്ല. ഒരു ഗ്രാമിന് 90 രൂപയാണ്.