തെന്നിന്ത്യയിലെയും ജി. സി.സി. രാജ്യങ്ങളിലെയും പ്രമുഖ ഗൃഹോപകരണ ഇലക്ട്രോണിക്, ബ്രാൻഡായ ഇംപെക്സിന്റെ കിച്ചൻ അപ്ലയൻസസ് വിഭാഗത്തിന്റെ ബ്രാൻഡ് അംബാസഡറായി യുവ നടി കല്യാണി പ്രിയദർശൻ. ജുനൈദ് സി (ഡയറക്ടർ, ഇംപെക്സ്), നിശാന്ത് ഹബാഷ് (മാർക്കറ്റിംഗ് മാനേജർ, ഇംപെക്സ്) എന്നിവരുടെ സാന്നിധ്യത്തിൽ ചെന്നൈയിൽ നടന്ന ഔദ്യോഗിക പരിപാടിയിൽ വച്ച കല്യാണി ഇത് സംബന്ധിച്ച കരാറിൽ ഒപ്പുവച്ചു.
മലയാളം, തമിഴ്, തെലുങ്ക് സിനിമകളിൽ അഭിനയിക്കുകയും സമീപകാലത്ത് ബ്ലോക്ക്ബസ്റ്ററുകളിലൂടെ ജനശ്രദ്ധ നേടിയെടുക്കുകയും ചെയ്ത നടിയാണ് കല്യാണി. 2017-ൽ ഹലോ എന്ന ചിത്രത്തിലൂടെ അഭിനയരംഗത്തേക്ക് കടന്നു വന്ന കല്ല്യാണി പരിശീലനം ലഭിച്ച നർത്തകി കൂടിയാണ്. വിവിധ സ്റ്റേജ് ഷോകളിൽ പരിപാടികൾ അവതരിപ്പിച്ചിട്ടുണ്ട്.
കല്യാണിയുടെ ചാരുത, യൗവനം, അഭിനയ മികവ്, വ്യക്തിത്വം എന്നിവ കാരണം ടൈംസ് ഓഫ് ഇന്ത്യയുടെ ‘ഏറ്റവും അഭിലഷണീയമായ സ്ത്രീകളുടെ പട്ടികയിൽ’ താരം ഇടം നേടിയിട്ടുണ്ട്. ഇതാണ് ഇംപെക്സ് കല്യാണിയെ അവരുടെ ബ്രാൻഡിന്റെ മുഖമായി തിരഞ്ഞെടുത്തതിന് പിന്നിലെ രഹസ്യമെന്ന് സി. ജുനൈദ് പറയുന്നു.