കണ്ണൂര് : കണ്ണൂര് ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും നാളെ അവധി പ്രഖ്യാപിച്ചു. കനത്തമഴയെ തുടര്ന്നാണ് അവധി പ്രഖ്യാപിച്ചത്. കണ്ണൂര് ജില്ലയിലെ പ്രൊഫഷണല് കോളേജുകള്, ഐ സി എസ് ഇ, സി ബി എസ് ഇ സ്കൂളുകള്, അംഗനവാടികള് എന്നിവ അടക്കം എല്ലാ വിദ്യാഭ്യാസ സ്ഥാപനങ്ങള്ക്കും ബുധനാഴ്ച ജില്ലാ കളക്ടര് അവധി പ്രഖ്യാപിച്ചു.
അവധി മൂലം നഷ്ടപ്പെടുന്ന പഠന സമയം ക്രമീകരിക്കുന്നതിന് ബന്ധപ്പെട്ട വിദ്യാഭ്യാസ സ്ഥാപന മേധാവികള് നടപടി സ്വീകരിക്കേണ്ടതാണെന്നും ജില്ലാ കളക്ടര് അറിയിച്ചു. വിദ്യാര്ത്ഥികളെ മഴക്കെടുതിയില് നിന്ന് അകറ്റി നിര്ത്തുന്നതിനുള്ള നിര്ദ്ദേശങ്ങള് നല്കണമെന്നും അദ്ദേഹം ആവശ്യപ്പെട്ടു.
also read: ‘ഐക്യത്തോടെ ജീവിക്കും’, കനകദുര്ഗയും വിളയോടി ശിവന്കുട്ടിയും വിവാഹിതരായി
കനത്തമഴയെ തുടര്ന്ന് ജാഗ്രതയുടെ ഭാഗമായി കണ്ണൂര് ജില്ലയില് ഇന്ന് കേന്ദ്ര കാലാവസ്ഥ വകുപ്പ് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. കേരളത്തില് ഇന്നും അതിശക്തമായ മഴയ്ക്ക് സാധ്യതയെന്ന് കാലാവസ്ഥ വകുപ്പിന്റെ മുന്നറിയിപ്പ് നല്കിയിരുന്നു. തിരുവനന്തപുരം ഒഴികെയുള്ള 13 ജില്ലകളിലും ഇന്ന് മഴ മുന്നറിയിപ്പുണ്ട്.
ഇതില് ആറ് ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. ഇടുക്കി, തൃശൂര്, മലപ്പുറം കോഴിക്കോട്, കണ്ണൂര് കാസര്കോട് ജില്ലകളിലാണ് ഇന്ന് ഓറഞ്ച് അലര്ട്ട് പ്രഖ്യാപിച്ചിരിക്കുന്നത്. വടക്കന് ജില്ലകളില് കൂടുതല് ശക്തമായ മഴ ലഭിക്കുമെന്നാണ് പ്രവചനം. അടുത്ത മൂന്ന് മണിക്കൂറില് കേരളത്തില് എല്ലാ ജില്ലകളിലും ഒറ്റപ്പെട്ടയിടങ്ങളില് മഴയ്ക്ക് സാധ്യതയുണ്ട്.