തിരുവനന്തപുരം: കേരളത്തില് ഇന്നും ഒറ്റപ്പെട്ട വ്യാപക മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ഇന്ന് മൂന്ന് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. ഇടുക്കി, മലപ്പുറം, വയനാട് ജില്ലകളിലാണ് ഇന്ന് മഞ്ഞ ജാഗ്രതാ നിര്ദേശം പുറപ്പെടുവിച്ചിട്ടുള്ളത്.
ഈ ജില്ലകളില് നാളെയും യെല്ലോ അലര്ട്ടായിരിക്കും. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിച്ചേക്കാമെന്നാണ് മുന്നറിയിപ്പ്. അറബിക്കടലില് നിന്നുള്ള കാലവര്ഷ കാറ്റിന്റെ സ്വാധീന ഫലമായാണ് കേരളത്തില് മഴയ്ക്ക് സാധ്യതയെന്ന് കാലാവസ്ഥ വകുപ്പ് വ്യക്തമാക്കി.
also read: ‘കോവിഡ് പുതിയ വകഭേദങ്ങളില്ല, ആശങ്കപ്പെടേണ്ട’; ആരോഗ്യമന്ത്രി
അതേസമയം ജൂണ്മാസം ആരംഭിച്ചിട്ടും തെക്കുപടിഞ്ഞാറന് കാലവര്ഷം ഇതുവരെ ശക്തി പ്രാപിച്ചിട്ടില്ല. ഇതേത്തുടര്ന്ന് ഇതുവരെ 34 ശതമാനം മഴയുടെ കുറവുണ്ടായതായാണ് വിലയിരുത്തല്. ജൂണ് പകുതി വരെ കാലവര്ഷം ശക്തമാകില്ലെന്നാണ് ഇപ്പോഴത്തെ നിഗമനം.