കൊച്ചി: കേരളത്തില് സ്വകാര്യ ബസ് സമരം മൂന്നാം ദിവസവും തുടരുകയാണ്. ഇതോടെ വലയുകയാണ് സാധാരണക്കാരായ ജനങ്ങള്. നിരക്ക് വര്ധിപ്പിക്കാമെന്ന് ഉറപ്പ് നല്കിയിട്ടും നടപ്പാക്കാത്തതിനെതിരെയാണ് സമരം. സമരത്തില് നിന്ന് പിന്നോട്ടില്ലെന്ന് ബസ്സുടമകള് അറിയിച്ചു.
മിനിമം ചാര്ജ് 12 രൂപയാക്കുക, വിദ്യാര്ഥികളുടെ നിരക്ക് മിനിമം ചാര്ജിന്റെ പകുതിയാക്കി ഉയര്ത്തുക, കോവിഡ് കാലത്തെ നികുതി ഒഴിവാക്കുക തുടങ്ങിയ ആവശ്യങ്ങള് ഉന്നയിച്ചാണ് സമരം. അതേസമയം ചാര്ജ് വര്ധന എടുത്തുചാടി തീരുമാനിക്കേണ്ട കാര്യമല്ലെന്നും നിരവധി കാര്യങ്ങള് പരിഗണിക്കണമെന്നുമാണ് ഗതാഗത മന്ത്രി ആന്റണി രാജു പറയുന്നത്.
also read: 42 കി.മീ ആറ് മണിക്കൂർ കൊണ്ട്; ലോസ് ഏഞ്ചൽസ് മാരത്തൺ വിജയകരമായി പൂർത്തിയാക്കി ശാന്തി ആന്റണി
ജനങ്ങളെ മുള്മുനയില് നിര്ത്തുന്ന സമരം ശരിയാണോ എന്ന് ബസുടമകള് ആലോചിക്കണമെന്നും മന്ത്രി പറഞ്ഞു.ഓട്ടോ-ടാക്സി നിരക്കു വര്ധനയും പരിഗണനയിലാണ്. ഒരു പാക്കേജ് ആയി മാത്രമേ നിരക്കുവര്ധന പ്രഖ്യാപിക്കൂ. 30-ാം തീയതിയിലെ എല്ഡിഎഫ് യോഗത്തിന് ശേഷമേ തീരുമാനം ഉണ്ടാകൂ എന്നും മന്ത്രി അറിയിച്ചു.