തിരുവനന്തപുരം: കേരളത്തില് ഇന്നും താപനില ഉയരാന് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം. ആറ് ജില്ലകളില് മുന്നറിയിപ്പ് നല്കിയിട്ടുണ്ട്. കൊല്ലം, ആലപ്പുഴ, കോട്ടയം, കോഴിക്കോട്, കണ്ണൂര്, പാലക്കാട് തുടങ്ങിയ ജില്ലകളിലാണ് മുന്നറിയിപ്പ്.
ഈ ജില്ലകളില് താപനില രണ്ട് മുതല് മൂന്ന് ഡിഗ്രി സെല്ഷ്യസ് വരെ ഉയര്ന്നേക്കും. കഴിഞ്ഞ ദിവസങ്ങളില് ഉയര്ന്ന താപനില രേഖപ്പെടുത്തിയ പാലക്കാട് ജില്ലയിലെ വെള്ളാനിക്കര, പുനലൂര് തുടങ്ങിയ സ്ഥലങ്ങളില് പ്രത്യേക ജാഗ്രത വേണം.
സംസ്ഥാനത്തെ മിക്കയിടങ്ങളും താപനില 36 ഡിഗ്രി സെല്ഷ്യസ് കടക്കാന് സാധ്യത ഉണ്ട്. ഈ ദിവസങ്ങളില് പാലക്കാട് 40 ഡിഗ്രി സെല്ഷ്യസിന് മുകളിലേക്ക് താപനില ഉയരാനാണ് സാധ്യത. കാലാവസ്ഥ നിരീക്ഷണ വകുപ്പിന് പുറമേ, മറ്റ് കാലാവസ്ഥ ഏജന്സികളും കൊടും ചൂട് പ്രവചിക്കുന്നു.
അടുത്ത മൂന്ന് ദിവസവും വരണ്ട കാലാവസ്ഥ തുടരാനാണ് സാധ്യത. സൂര്യാഘാത സാധ്യത കണക്കിലെടുത്ത് ഉച്ചയ്ക്ക് 12 മണി മുതല് 3 മണി വരെ പുറം ജോലികള്ക്ക് വിലക്ക് ഏര്പ്പെടുത്തിയിട്ടുണ്ട്. വേനല്ക്കാലം തുടങ്ങുന്നതിന് മുമ്പ് തന്നെ ഈ വര്ഷം സംസ്ഥാനത്ത് ചൂട് കൂടിയിരുന്നു.