തിരുവനന്തപുരം; കേരളത്തില് വരുംദിവസങ്ങളില് ശക്തമായ മഴയ്ക്ക് സാധ്യത. ബംഗാള് ഉള്ക്കടലില് രൂപംകൊണ്ട ചക്രവാതച്ചുഴിയുടെ സ്വാധീനത്താലാണ് സംസ്ഥാനത്ത് ഒറ്റപ്പെട്ട ശക്തമായ മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കുന്നത്.
വ്യാഴാഴ്ച വരെ സംസ്ഥാനത്ത് ശക്തമായ മഴയുണ്ടാകുമെന്ന് കേന്ദ്രം കാലാവസ്ഥ വകുപ്പിന്റെ മുന്നറിയിപ്പ് നല്കി. ചക്രവാതച്ചുഴി 48 മണിക്കൂറിനുള്ളില് ന്യൂനമര്ദ്ദമായി മാറാന് സാധ്യതയുണ്ട്. ബുധന്, വ്യാഴം ദിവസങ്ങളിലാകും കേരളത്തില് പരക്കെ മഴയ്ക്ക് സാധ്യത.
also read: കേരളത്തില് ഇന്ന് 2524 പേര്ക്ക് കോവിഡ്, 5499 പേര്ക്ക് രോഗമുക്തി
മലയോര മേഖലയില് ഒറ്റപ്പെട്ട ശക്തമായ മഴയുണ്ടായേക്കും. വ്യാഴാഴ്ച നാല് ജില്ലകളില് യെല്ലോ അലര്ട്ട് പ്രഖ്യാപിച്ചിരിക്കുന്നത്. തിരുവനന്തപുരം, കൊല്ലം, പത്തനംതിട്ട, ഇടുക്കി എന്നീ ജില്ലകളിലാണ് കേന്ദ്ര കാലാവസ്ഥാവകുപ്പാണ് മഞ്ഞ അലേര്ട്ട് പ്രഖ്യാപിച്ചത്.
ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴയായിരിക്കും ലഭിക്കുക. ജനങ്ങള് ജാഗ്രത പാലിക്കണമെന്ന് അധികൃതര് അറിയിച്ചു.