പത്തനംതിട്ട: പത്തനംതിട്ടയിൽ ഹോട്ടലിന് മുകളിൽ വിദ്യാർഥി തൂങ്ങിമരിച്ചു. തൃശൂർ വരന്തരപ്പിള്ളി ചുക്കേരി വീട്ടിൽ അലോൻസോ ജോജി ആണ് മരിച്ചത്. 18 വയസായിരുന്നു. റാന്നി സിറ്റാഡൽ സ്കൂളിൽ പ്ലസ് ടു വിദ്യാർത്ഥിയാണ്. ആത്മഹത്യയാണെന്നാണ് പ്രാഥമിക നിഗമനം.
ആശ്വാസ വാര്ത്ത!, കുതിച്ചുയര്ന്ന സ്വര്ണ്ണവില താഴേക്ക്, ഇന്നത്തെ വില ഇങ്ങനെ
ചൊവ്വാഴ്ച രാത്രി 11.30 ഓടെയാണ് ഇയാളെ തൂങ്ങിമരിച്ച നിലയിൽ കണ്ടെത്തിയത്. ഹോട്ടൽ കെട്ടിടത്തിന്റെ മൂന്നാംനിലയിലാണ് മൃതദേഹം കണ്ടെത്തിയത്. തുടർന്ന് ജീവനക്കാർ ഉടൻ പോലീസിനെ വിവരം അറിയിച്ചു. കുടുംബ പ്രശ്നങ്ങളാണ് ആത്മഹത്യയിലേക്ക് നയിച്ചതെന്നാണ് പോലീസിന്റെ പ്രാഥമിക കണ്ടെത്തൽ. കൂടുതൽ അന്വേഷണം നടത്തി വരികയാണ്.
രണ്ടു മാസമായി പത്തനംതിട്ട നഗരത്തിലെ ഹോട്ടലിലായിരുന്നു താമസം. പത്തനംതിട്ട കോളേജ് റോഡിൽ പ്രവർത്തിക്കുന്ന ഹോട്ടലിൽ കഴിഞ്ഞ മാസം മൂന്നിനാണ് അലോൻസോ റൂമെടുത്തിരുന്നത്. 405-ാം നമ്പർ റൂമിലെ താമസക്കാരനായിരുന്നു.